166.—HE WAIATA TANGI.

Toa Takitini, Issue 92, 1 April 1929, Page 7 (Supplement)

166.—HE WAIATA TANGI.

Na Hinematererangi. (Ngati Porou). Na Ani Kane Roki nga kupu, nga whakamarama. Ko Hinematererangi te wahine matua a Rawiri Rangikatia. Ko Rawiri tetahi o nga tangata rangatira o Ngati-Porou i tuhi kite Tiriti o Waitangi. Ko Pineaha Ivoia ma nga uri. Ka roa ka tango a Rawiri he wahine ano, he punarua. Ka whai te wahine muringa kia riro i a ia te tane. Ka mauria e tera te ohonga o Hinematererangi ki te tohunga, ki aTe Pohulu, kite Kawakawa, kia mate ai te wahine matua ra. Ka hoatu te ohonga ki aTe Pohutu, ka kawea kite wai. Whakakite ke mai ko te wahine muringa ra ki te tohunga. Ka hoki mai te tohunga ka kor e ro. Ka tohe tonu te wahine ra. I te tuarua ka pera ano, mete tohe tonu te wahine ra. No te tuatoru ka romia e Te Pohutu, ka mate te wahine muringa ra. Ko te whiti tuatahi, ko te whiti tuarua, kei te T. Turi 30, na Kararaina Parakau nga kupu. Ko te whiti tuatoru kaore.

(Ref.: T. Turi 30). Kaore hoki, e, te mamae, e Pakinikini mai, e, ki an. Kai roto au kai te awhinga' Wahi mam 2 e tohu ana; He hanga ia ra na te mamae, e, Hoki auau mai ki au, Te rere atu ki nga riu nunui, e, ‘A tara ai to niho kino. ‘Nei ka huri 3 mai ki au, e, Kite riu, e, ka haungatia; Ka mautohe koe 4 mo raropo anake, e. E kui ma, e! kai te kimi noa au I te putake o taku mate. Mahara tonu iho tenei, He taru 5 tawhiti e wawara nei; Kaore ia ra ko te iho 6 nui tonu Titokorau 7 nei i ahau. Ma taku koro 8 e tiki mai e pure, Ka hokai mai au kite ao, e. Tohu ano kite moe kino, No te iwi e haramai nei! Kaore ia ra he atua tonu Makere iho i te ao o te raro; Ko Kumukumu, 9 te awhi o te makau, e, Atua mana no Te Pohutu, 10 i.... 'Awhinga: Ko te awhinga pea a te makutu. 2 Wahi maru: Kawea ai te ohonga ki te wahi maru tohu ai 3 Hun: Ki ta T. Turi, “puri” 4 Koe: Kaore tenei i ta T. Turi. s Taru tawhiti: Ki te W.D. she ‘ influenza.* 6 Te iho nui: Mo te **makutu.” 7 Titokorau: Wehe atu, pana atu kite whanga. Ki etahi waiata tokorau a to wahine —He karakia wehe. Ki a T. Turi “Te tokorau.” 8 Koro: Ko te papa o Hinematererangi. 9 Kumukumu: Ko te atua o Te Pohutu. '°Te Pohutu: He tohunga makutu no Te Kawakawa.