165.—HE WAIATA AROHA.

Toa Takitini, Issue 92, 1 April 1929, Page 6 (Supplement)

165.—HE WAIATA AROHA.

Na Te Paea. (Ngati-Porou).. Na Am Kane Roki nga kupu, nga whakamarama. No muri tata i nga whawhai Hauhau i titoa ai tenei waiata. Ko Te Paea no Ngati-Porou. Ka haramai a Patara ratau ko tana ope i Taranaki kite kawe mai i nga mahi poropiti a Te Ua Haumene kite Tairawhiti, ka uru tetahi wahanga nui o Ngati-Porou ki taua mahi. Ka nohia na te pa i Pukemaire e te Hauhau Ko Te Wiwini, ko Te Wao, ko Takuta, ko Te Ngoungou, ko Tamgahue etahi ote ope a Patara. Ka piri nga

wahine o te Ngati-Porou i Hauhau ki etahi o te ope, ko Ripeka Waikuta ki a Taingahue, e ora nei nga uri; ko Te Paea ki a Te Ngoungou. Ka horo a Pukemaire, ka whati te Hauhau ki Hungahungatoroa. Ka mau te rongo ka whakahokia nga tangata o Taranaki ki to ratau na whenua. ka riro alu nga wahine ra. No muri ka tae a Ngati-Porou ki Patea (Taranaki) kite whawhai i reira, aka mutu ka hoki mai. No muri i a ratau ka mahue a Te Paea i aTe Ngoungou. Koia i titoa ai te waiata nei. Ko te rangi he rite ki to te waiata nania 57, no te takiwa hoki ki Taranaki tera. E muri ahiahi takoto kite rnoenga, E tia nei roto, e, kei te tai whati kino Kite tau ra, e, i ata rauhangatia. I tiwaia pea te tai ki Harara, Kia tae te nenenga man rawa ki o karu. Ka hara toku me he au karikawa No nga kurae ki runga Tumahara. I whea koia koe i taku tai whenua, Ka ata papare ake i ahau, e te tau? Tuku marire koe ka roa te hurihanga, Te mokai puku nei ata hoki marire Ki oku matua, e moea iho nei. Ma wai e whai atu te pae tuangahuru? He manu koia au, e ai te rere atu, Kai raro iti iho ko te hoa moe tahi. E hoa ma, e! Katahi nei hanga kino; Ko waho kau oku te tirohia mai na, Ka taka ko roto, e, ka mawherangi au, i...