167.—HE WAIATA.

Toa Takitini, Issue 92, 1 April 1929, Page 8 (Supplement)

167.—HE WAIATA.

Na Wikitoria Rangihurihia (Ngati Porou). Na Ani Kane Roki nga kupu, nga whakamarama. Ko Pokia raua ko Papahonia he tuakana, he taina. Ka moe a Rangihurihia ite taina i a Papahonia. He tangata haere a Papahonia ki roto i nga whawhai, a i tae rawa ia kite whawhai i a Te Whakatohea. Ko Rangihurihia he tohunga, he wahine mohio ki nga mahi Maori. Kia haere te tane ki nga pakanga ka main te wahine i nga mahi karakia hei tapuae mo tona tane; ka hoa i te tapuae. He toanga, no te tane ite whawhai

ki a Te Whakatohea ka waiho hei whakapehapeha ma Rangihurihia. Taka rawa ake kite whawhai ki Tapuae-erangi, ki Waingakia, i roto o Turanga, kaore i mahia e te wahine ra, engari ka whakapehapeha tonu ia mo te toa o te tane. Na, ka mate a Papahonia. Noho na ka haramai a Te Matahou, no Te Whakatohea, ka haere ki roto o Turanga kite ngaki i taua mate. Kaore te tuakana a Pokia i haere, ka anga ke kite whai ite pouaru a tona taina, a Papahonia. Koia rate tangi a Rangihuriua. Engari i muri mai ka moe ia i a Pokia. Ko Rawinia Pokia tetahi o ana uri a tena tane; ko Ani Kane Roki tetahi o nga uri a tera tane aPapahonia. Kei hua mai, Pokia,' kei te mahara rua, e, Kaihore ra ia pukawa ki roto nei. Hokotahi tonu ia te whakaaronga iho, e, Ko tona tokorua nana i taupuru, e, Nana ka kohakore, ko ia tana nei, e, Ka pa mai ki ahau whakaiwikore ai, e. Tu tonu aku ngutu kite whakapehapeha, e, Wareware tonu ake kite kopakirua 2 Te Tipi-a-Houmea, 3 hei hiki ki runga ra, e, Ka rere mai koe, e tama, tu ana i taku taha, i. Nau mai, Pokia ’ahu ake ki muri ra, He ruawheau 4 , e, no roto i ahau, e. Pao 5 ke te manako hei te Whakatohea, Kite ope ngaki mate i a Matahou, 6 Te tangata hoki ra ka taea te ngete-a-wai 7 I Turanga ß ra, i

'Pokia: Kua whakamaramatia i runga ra. zKopakirua: E ki ana a Kane, “He karakia hoa tapuae.” sTipi-a-Houmea: He karakia Kuna i te tangata. 4 Ruawheau: Kaore tenei i te W.DS. Te tikanga he whakatuturi nona ki te hiahia a Pokia. sPao-: Tipao Ka mahue mai te mea( tata a Pokia, ka tipao ke kite mea tawhiti ki a Matahou. sMatahou: Kua whakamaramatia i runga ra. ?Ngete-a-wai: E ki ana a Kane, “Ko nga hukitau o nga wai.” sTuranga; E kiia nei ko Poverty Bay.