PIHOPA MO TE HATI MAORI.

Toa Takitini, Issue 58, 1 June 1926, Page 405

PIHOPA MO TE HATI MAORI.

(Na Ihaia Hutana K I taku titiro i te alma o nga whakamarama mo Te Pihopa a te hinota i tu nei ki Akarana e mau ake nei i te NAMA 56 e penei ana, “Kite kore e kotahi nga whakaaro ko te hiahia me nuku rawa atu te pire whakatu i te Pihopa Maori i roto i nga kenana o te hahi. 2 Ko te motini i paahitia e Te Hinota koia tenei ‘,Ko Te Pihopa tua tahi mo Te Pihopatanga Maori hei te Pakeha Maori,” ara ko tona tikanga hei te pakeha mohio kite reo Maori me nga tikanga Maori. Ki taku titiro kei te pai te paahitanga a te hui i te motini me nga whakamarama i roto, i whai hoki ratou i nga kaha mete hohonutanga o nga whakamarama, no reira i kore ai e whaia e ratpu te putake tua tahi ara he mea kei roto i te putake tuatoru ara i te kore rawa atu, o Te Pihopa Maori. Oku whakaaro mo tenei taonga nui me timata ake i roto i nga whakamarama i te ripoata ara e mea ra me Pakeha mohio kite reo Maori me nga tikanga Maori. He mea whakamiharo kite kore tatou e whiwhi ki tenei tu alma oTe Pakeha. Kite kore hoki e kitea ka pehea te alma? Kowai oti te Pihopa Herewini i tenei ra hei tohu i tera tu alma ote tangata? Ko wai hoki nga Wiremu reo reka i roto i enei ra nei, te noho taumata, whakatangi koauau, turi pukaka, ho#' tapuwae, piki maunga nga kopara a Rongonuitapui ? Ahakoa no mu a nga korero, e whai ana tatou i nga hua whakamiharo o te hikoitanga whakamuatanga o te tangata o te titiro whakamuatanga mete taihoa marika ka whakamoea ai ki te whakatauki aTe Maori eki ra, Ka pu te ruha, ka hao te rangatahi. Ko nga Korero aTe Rangatahi e penei ana “Kia tere ka mahue koe” Puta rawa te tangata ki waho kua rere ke te motoka, ko te puehu noa anake e kitea atu ana. Ko nga rererangi kei te takiwa ko te kapua, kei muri noa e ripo atu ana. Ko nga korero kei te moana, ko nga taringa kei te tuawhenua e whakahakiri, ka rite ai kite whakatauki e mea ra “Ko koe e noho kia tae mai a taihoa.” Waihoki kaua hei moumoutia te taonga a Te Atu a te hoari aTe Wairua. He ika tuatahi no te aho i runga i te toka kawea atu kite wahi tapu. He man tuatahi no te vvhakahei i runga i te pua, kawea atu te wahi mana, kite wahi tapu. He kaupapa no a te Maori tikanga whakahere. Ehara i a tatou nga whakatauki engari na nga kaumatua tuku iho tuku iho hei tohutohu i a ratou me tatou o roto i enei ra kite alma o te hikoi mete titiro atu ki nga mea e whakaata mai ana i mua i a tatou mete hikoi o te mata oho

mete mata momoe, te tangi a Te Horirerire, te whakatotika i te rakau piko, ite mea e wera ana, te hihiko mete ngoikore, te whare i tu ki roto i te pa tuwatawata, te whare i tu kite paenga, te manaaki te naumai ite tangata kite whare. Kua paahi rate pire whakatu iTe Pihopa Maori. Kaua Te Pihopa e whakataumahatia ki nga tikanga a te tangata. He rnea pai kia riro ma tetahi ropu takawaenga e whaka rite kia tan riterite ai nga tahua mo tana tikanga i na wehea mai i roto i nga talma i whakakaupapatia mo tana tikanga. He mea whakamiharo ki an nei kia riro ano ma raton whakapihopa e whakatu mai he Pihopa Maori. Heoi ra ko te tumanako hei Te Pihopa Maori Motuhake. Na Ihaia Hutana, . Waipawa. 21/5/26.