PUTU-PAORO.

Toa Takitini, Issue 58, 1 June 1926, Page 406

PUTU-PAORO.

POWHIRI A TE WIWI KI NGA MAORI. Poneke, ' 7 0 Mei, 1926. E Te Iwi, Tena koutou. TENET kua pa te powhiri a Wiwi (France) ki a tana kite Iwi Maori ki a wliakawhiti atn i te Moana-nui-a-Kiwa ki ona papa-takarotanga, ki ona marae kia whakamanuhiritia e ia i runga i nga tikanga o te mahi “Putu Paoro. taua powhiri kua whakaaetia atu e te Kotahitanga Whakahaere o nga Mahi Putu Paoro Rakapi o Niu Tireni. Noreira e te Iwi e tika ana kia awhinatia tenei take a kia whakamana tenei powhiri i runga i enei take e whai ake nei:— I*—He whakahonore tenei i te Iwi Maori mo nga tamariki e takoto mai ra i nga marae maha o Wiwi. 2.—He whakaatu i te mana riterite o te Maori ote Pakeha. Kaore he iwi Maori ke atu i penei rawa te nui o te mnaaaki a te Iwi Pakeha. Na te aha?’ Na te toa na te tn-rangatira. 3.Ma nga Tai-tama e kokiritia mo tenei haere e tangi o tatau mate i nga marae maha o Wiwi te whenua i kitea nuitia ai ton toanga e te Iwi. Ko nga tai-tamariki toa ki tenei mahi o tena iwi tena iwi ka kohia mo tenei haere. Kia mataara kia matapopore. Meake nei ka tae atn ki o kouton papatakarotanga nga Kaikohi i nga tamariki mo tenei haere. Ma Wiwi e awhina te haerenga atn i konei, te hokinga mai mete nohonga ite kainga, Kaati e whakaarohia ana e taku

komiti me kohi he moni talma ma nga tamariki nei hei tiaki hei oranga mo ratou i Wiwi. Noreira c te Iwi whakahuihuia nga hapu me nga ropu tangata kite main tikanga e takoto ai he moni talma, hei takoha ma tatou ki a tatou tamariki ka kohia mo te haere ki Wiwi. Kia Ora. Hooi ano. Na W. T. PARATA, Tiamana, Poari Whakahaere Putu Paoro Mo Te Taha Maori. —Ko nga moni katoa e kohia me tuku mai ki a. KING! TAHIWI, Honore Hekeretari, Tari Maori, Wellington.