PIHOPA MO AOTEAROA.

Toa Takitini, Issue 58, 1 June 1926, Page 404

PIHOPA MO AOTEAROA.

HE RETA NA TE ATIPIHOPA 0 NUI TIRENI. ITE putanga o te pepa o Mei tera tetahi korero naa na te Etita, he whakaatu i etahi ahuatanga o te Pihopatanga mo nga Maori, ara rawa ia mo te pakeha hei pihopa tuatahi. Tera pea etahi o nga Maori e ka mutu i te pihopa tuat&hi anake te pakeha, a ka tuturu he Maori anake nga pihopa i ! muri i a ia. He wehi noku kei pohehe te iwi Maori mo tenei take no reira he raea tika kia panuitia te lure (Canon) i paahitia e te Hinota Topu mo te whakatu pihopa mo te Pihopatanga o te iwi Maori. E ki ana tana ture, ma te hinota Maori e. whiriwhiri kia tokorima nga minita, kia tokorima nga mangai-reimana, hei hoa whiriwhiri mo nga pihopa o te Porowini o Nui Tireni, i te mea kaore ano he pihopa mo nga Maori kia whakaingoatia. Kaua hei hoki iho i te hawhe o nga Pihopa kei Nui Tireni nei i tana wa, e tae mai ki tana hui; a kaua hoki hei hoki iho i te tokotoru minita mete tokotoru reimana o te hunga i whiriwhiria. Ma te Atipihopa, a ki te ngaro atu ia, ma te Pihopa e whakaturia ana hei tiamana mo tana hui, e whakatakoto a-tuhituhi kite aroaro ote komiti whiriwhiri, nga ingoa', kaua hei neke atu ite torn, kua whakaaetia ete hui. Ma tauai komiti whiriwhiri e whakaatu kite Atipihopa te ingoa ote tangata kua rite i a ratou te kowhiri hei pihopa mo taua Pihopatanga. Kua marama tatou kaore he whakaatu a te ture he aha te iwi o te pihopa tuatahi tae atu hoki ki nga pihopa a muri nei. Ko taku whakaaro he mea pai kia tino marama tenei take kei raruraru tatou a muri nei. Heoi na, A. W. NUI TIRENI. [Kia orate Atipihopa mo te marama o tana whakaatu i te rarangi o te ture mo te pooti i te pihopa mo te iwi Maori, kei te marama kaore i whakahuatia me Maori me pakeha ranei taua tangata, ahakoa i te pihopa tuathi i nga pihopa ranei i muri atu. Otira no roto no nga korero whakamarama a koutou ko o hoa pihopa i Poneke. ka tono koutou me pakeha te tuatahi kia marama ai te whakatakoto i nga kaupapa, me to koutou whakaae me Maori i muri atu. He tika he korero noaiho tera i puta noake i roto i a tatou whiriwhiri. Otira kei te tumannko matou. te wahanga ki te taha Maori o te Hahi. tera taua kupu e whakr.ir.ana e koutou.—Na te Etita.]