TE HAERENGA TUARUA MAI O TE KARAITE

Toa Takitini, Issue 56, 1 April 1926, Page 384

TE HAERENGA TUARUA MAI O TE KARAITE

{Na Kenana Aata Wiremu .)

HE tini nga korero pohehe e panuitia ana i tenei wa mo te hokinga mai ano o to tatou Ariki o Ihu Karaiti. No reira he mea tika rawa kia whakamaharatia tatou ki nga kupu a te Karaiti me era atu kupu o te Karaipiture kei tinihangatia etahi. He maha ana kupu whakarite, he maha ano ana kupu marama, mo tona hokinga mai ki tenei ao; e taea hoki te mohio kite tikanga o aua kupu ki te whai whakaaro te tangata kite korero tonu ite Paipera i tenei ra, i tenei ra, mete inoi atu ki te Wairua Tapu hei tohutohu hei whakaako ia ia kite tikanga. E tino marama ana, e kore a Ihu e whanau tuarua mai, e kore e hoki mai me tona tinana Maori: engari ka puta tinana mai, ko tona tinana ia he mea Wairua, he mea kordria, a e tino kitea ia e o tatou kanohi. Ko etahi kupu eki ana e haere puku mai ia “ ano he tahae i te po,” a he tokomaha e rokohanga e la e moe anaara e moe ana te ngakau me te wairua ki roto, i nga mahi he a te ao, a te kikokiko ranei, i nga mahi ahuareka (takaro) noa iho ranei, a e kore ratou e mohio, e kite ranei iiaia i taua wa. E haere mai ana la ki te tino whakaora, kite tango kia a la, ite hunga e whakapono pu ana e tatari ana ki a la. Ko tana mahi tuatahi tera. E kore e mohiotia te haora, te rangi ranei; engari kia kitea nga tohu i homai ela e puta ana ki te ao ka mohiotia e ratau ha Tata la. Tirohia Ruka 12, 35-40; I Telia 4, 14-7 me 5, 1-10; Hip. 9. 28; Whkte. 3, 3. Ko etahi kupu e ki ana ka kitea ia e nga kanohi katoa e haere mai ana i runga i nga kapua, ak a wehi ka tangi nga iwi katoa e noho ana i te ao a taua wa. Itemea hoki ka riro atu te hunga e tumanako ana e tatari ana ki a la, katahi ka mohio nga tangata e mahue ki te ao nei he tika nga kupu o te Karaipiture mo te Ra nui o te Ariki, ka mahara hoki ratou ki nga tohu i korerotia; a ka oho ake te ngakau ite moe, ka he te manawa ite wehi kite Ra whakawa, a ka kitea e te katoa, puta noa i te ao, te Tama a te Atua e haere mai ana (me torn! hunga tapu hoki kua riro ra i a la) i runga i nga kapua ote rangi me tona kororia nui, ki te whakarite ite whakawa, kite whakahaere hoki i ona tikanga tapu ki te ao. Tirohia Ma. 24, 30, 31; 2 Telia 1, 7-10; Whkite 1, 7; Mah. 1, 11.

No reira e nga hoa “ kia pehea ra he tikanga ma koutou i runga ite whakahaere tapu, ite karakia mete tumanako atu, mete takare atu ano koutou kite taenga mai otera ote Atua,” (2 Pit. 3, 11, 12).

“Kia whitikiria o koutou hope, kia ka nga rama; a, te rite mo koutou hei nga tangata e tatari ana ki to ratou rangatira. Kia tatanga ra koutou: notemea e puta mai te Tama a te tangata (a Ihu) i te haora e kore ai koutou e mahara.” (Ruka 12, 35, 36, 40.)