MERE WI REPA KUA MOE.
HE nui te arolia i te taenga mai o nga waea whakaatu kua nice i te moengaroa te hoa wahine o Takuta Tutere Wi Repa. He roa te wa e kakari ana a Mere ki tona mate, a he maha nga marama e takoto ana i te hohipera i Turanga. I tae katoa nga takuta matau o Turanga kite tirotiro i tona ahua. He maha hoki nga tapahanga i a ia. Kaati kaore rawa i taea tona mate. He uri rangatira no Rongowhakaata tenei wahine, he tuahine hoki no Kapene W. T. Pitt. He wahine humarie, ngawari, mohio kite manaaki tangata. Kia manawanui e te hoa e Takuta Wi Repa. Tenei kei te tangi atu o hoa o te motu ki a koe ka whakakakahuria nei ki tena taonga taratara i heke iho i o tatou tipuna. He tangata marama koe ki nga karaipiture ki nga kaupapa o to tatou whakapono. Noreira ma te Atua o nga whakamarietanga katoa, e tuku iho tona wairua whakamarama ki a koe me tou whare katoa i tenei wa.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19260401.2.9
Bibliographic details
Ngā taipitopito pukapuka
Toa Takitini, Issue 56, 1 April 1926, Page 383
Word count
Tapeke kupu
180MERE WI REPA KUA MOE. Toa Takitini, Issue 56, 1 April 1926, Page 383
Using this item
Te whakamahi i tēnei tūemi
See our copyright guide for information on how you may use this title.
Log in