HE MIHANA KI TE TAI RAWHITI.
ITEMEA kua whai-whakaaro te Pihopa kia tu he Mihana ki nga Pariha Maori katoa puta noa i te Pihopatanga, kua whakaae mai nga minita o etahi o nga Pariha o te Tai Rawhiti, ara o Ngatiporou, kia whakahaerea tana mahi nui, main tapu, ki reira a nga ra e heke iho nei. E tono ana hoki te Kai-kauwhau, a Kenana Ata Wiremu, ki te hunga katoa e ngakau nui ana kite karakia kite Atua, kia puta tonu he inoi ki a la kia manaakitia nga Mihanakia manaakitia te Kai-kauwhau, nga minita Maori me nga tangata katoa o te pariha, kia whakaorangia hoki te hunga e paangia ana e nga mauiui. Ka tu te Mihana tuatahi ki Tikitiki ite pariha o aiapu a Aperira 16 kite 26, ko Poihipi Kohere te minita. Ka timata kite Pariha o Hikurangi a Mei 7 kite 17, ko Pine Tamahori te minita. Ko te mahi nui, mahi tuatahi, o te mihana he karakia he kauwhau he whakaako i nga po katoa, hei whakaohooho i te ngakau, hei whakamohio hoki kite oranga nui kua homai nei e te Matua i rolo i tana Tama, kia whiwhi ai te tangata e whakapono ana kite ora mona, mo tona Wairua me tona tinana hoki. A kia tae ki nga ra whakamutunga o te Mihana ka whakahaerea he karakia whakaora, ara karakia whakapa ringaringa kite hunga mate e marama ana, e hiahia ana hoki ki taua karakia. Kua whakaritea e te Pihopa he karakia whakapa ringaringa, kua oti hoki te perehi kite reo Maori. Na reira kia kaha kite inoi a enei ra katoa mo nga Mihana. Kia uki te whakapono, kite tumanako, kite Aroha. Ama te Atua tatou katoa e manaaki.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19260401.2.11
Bibliographic details
Ngā taipitopito pukapuka
Toa Takitini, Issue 56, 1 April 1926, Page 385
Word count
Tapeke kupu
289HE MIHANA KI TE TAI RAWHITI. Toa Takitini, Issue 56, 1 April 1926, Page 385
Using this item
Te whakamahi i tēnei tūemi
See our copyright guide for information on how you may use this title.
Log in