TE RIPOATA MO TE HAHI A RATANA.

Toa Takitini, Issue 48, 1 July 1925, Page 256

TE RIPOATA MO TE HAHI A RATANA.

(Na Atirikona Hapata Wiremu i tvhakamaori.)

IATA whakaarohia e te Komiti enei mea:— 1. Kua takoto te tikanga—me te whakaae ano o Ratana — kia puta atu nga tangata a Ratana i tona Hahi, i tona Hahi. 2. Kei te haereere nga kerere a Ratana hei akiaki i te tangataMaori kite haina i tetahi pukapuka whakaae ki taua mea— * ara kite puta atu i te Hahi, kite piri tonu kite mea e kiia nei ko te Hahi a Ratana.

3. Tera tetahi tino take o taua Hahi a Ratana, ara te whakahuatahi i nga anahera pono mete Tokotoru Tapu. 4. Kei te tohe ano ratou kia pera ano te kupu hei whakahuatanga i te karakia iriiri tamariki —he takahi tera i te whakahau a to tatou Ariki, i te tikanga hoki a nga wahi katoa o te Hahi puta noa i te ao katoa. 5. E mea ana etahi inaianei e kore e paingia a tatou minita hei minita mo ratou kite kore e whakahuatia taua kupu he ite iriiri tamariki. i etahi atu karakia hoki. Ki ta te Komiti me inoi te Hui nei ki nga Pihopa kia puta tetahi kupu marama ki nga Minita hei tohutohu i a ratou i roto i tenei mea raruraru.

Koia nei etahi take kia korerotia ki a ratou: —

1. Kite hainatia e tetahi tangata taua pukapuka whakaae a nga karere a Ratana, he he rawa tana mahi, ara taua wehenga i a ia i te Hahi a te Karaiti.

2. E kore e tika kia korerotia e te Minita nga Karakia a te Hahi, ara te Hapa Tapu, te Marena, te Nehu Tupapaku, mo te hunga pera. 3. Kite mea he iriiri ta tetahi Minita a Ratana, ta tetahi kai-mahi ranei ana, ehara tera i te iriiri Karaitiana: ina hoki ka rereke te tikanga i tera i whakahaua mai e te Karaiti i a ia i mea ra:—“ Na haere meinga hei akonga nga iwi katoa, iriiria i runga i te ingoa o te Matua, o te Tama, o te Wairua Tapu: Akona ratou kia mau ki nga mea katoa i whakahaua e ah an ki a koutou.”— 28, 19-20.

4 Ahakoa he mea pai kia ata whakahokia mai kite Hahi te hunga kua kotiti ke ehara i te mea pai kia whakaurua ano te hunga pera kite Hahi ete Minita i runga i tona ake mam; engari ma te Pihopa e whakatakoto te ara whakauru mo te tangata ripeneta. 5. Kite mea kua oti tetahi tangata te iriiri, i runga i te tikanga a Katana anake, a ka mea taua tangata kia uru kite Hahi, kia malua rapu tikanga te Minita i te Pihopa, katahi ka iriiri i taua tangata.

6. Kite uru tetahi Kai-karakia ki taua Hahi a Ratana, kia whakamutua rawatia tana mahi karakia i roto i te Hahi: ko tona raihana kia whakakahoretia. tona tohu Kai-karakia kia whakahokia.

7. Kite whakaaro ote Komiti, he mea pai kia hainatia e nga tangata pono katoa o te Hahi te whakaaetanga kua oti te whakarite e te Hinota Nui mo te tangata o te Hahi—kia waiho ano taua mea hei wahi mo te tikanga whakauru ano kite Hahi. 8. Kia tukua tonutia e te Pihopa taua kupu whakamarama ki te Minita ratou ko te hunga pono o te Hahi; ma te Minita te iwi e ata whakaako ki nga tikanga o te Hahi, ma reira ia e whakapumau i te tangata o te Hahi, e whawhai ki nga whakaakoranga he a Ratana.

Tera ano tetahi mea: kia whakaaturia ki nga tumuaki o nga Weteriana, ote Hahi o Kotarani, te mahi ate Hahi, mete patai ano ki a ratou, kei te aha ratou hei whakakahore i te tikanga he.