32.—HE TANGI MO PAHOE.

Toa Takitini, Issue 40, 1 December 1924, Page 43 (Supplement)

32.—HE TANGI MO PAHOE.

Na Hone Rongomaitu ( Ngati-Porou) .

Ko taua Hone Rongomaitu ano tenei i era waiata ra. Ko tenei tangi mo Pahoe, taina o Te Arakirangi, na Tanehuruao, he rangatira no Te Whanau-a-Hinetapora. I waiatatia mai i Orangitauira, kei roto o Tapuaeroa, o tetahi o nga wehe o Waiapu. I riro mai a Pahoe ite waipuke i Tapuaeroa, ka paea kite ngutuawa o Waiapn. Ina tona korero mo te tangata paea kite ngutuawa o Waiapu. Ka u te mea makere atu ki reira, ka kainga e Taho, he tipuna no Ngatipuai, e noho ana i te taha tonga o te ngutuawa. Mo kona te kupu, “Ko te para i a Taho, kaore e hoki kite huki--99 nga. He maramara te waiata nei, na Hone Ngatoto i korero mai. Tera atu pea tona roanga. kei nga mea e mohio ana. Kei whea koe, e hika, ka ngaro nei i te ahiahi? Tena ka riro i runga i te pokai kawariki. 1 Te ai he mahara, ka noho mai i uta; Ka tikina, e, takahia te au o te wai, Ka pa kai raro, kai te pohatu; Romia e te ia. ka puta kai te ngutuawa.

Whakaputa rawa ake nei Marumarupo, 2 E takoto ana, me he kumukumu Te tahutitanga i roto o te taita, Ko he anuhe 3 tawatawa. Ka terete koheri, ka tere rate kahawai. Potaea ra kite kupenga na Titiwha, 4 Ka u kai tohou one, kai Whekenui, 5 e. Kaore ra ia te para i a Taho, 6 E hoki kite hukinga. HE WHAKAMARAMA: tKawariki. —He otaota e tipu ana i nga tahataha wai, repo. 2 Marumarupo. He tipuna, nana te tinana o Pahoe i kite i roto i to pokiki, i te tawhaowhao. Anuhe tawatawa.—Ki etahi iwi he awheto te anuhe. Ko te tawatawa he ika, ko te kiri ano he mea whakairoiro pango na. Kote tikanga mo nga papa o Pahoe, na Whatuma i ta ki te moko.. 4 Titiwha. He tipuna no Waiapu. s Whekenui.—Kei te ngutuawa o Waiapu. ®Taho.—Kua whakamaramatia i runga ake ra. ’