1.-TE TURE, TONA HANGANGA, ONA WHAKAHAERENGA.

Toa Takitini, Issue 28, 1 December 1923, Page 7

1.-TE TURE, TONA HANGANGA, ONA WHAKAHAERENGA.

Na A. T. Ngata, M.A., M.P. (Ko nga wahanga A, B, C kei te pepa o Noema.) D.—NA TE AHA TE TUBE I WHAIMANA AI? D.—TE MANA 0 TE TUBE. Kua korerotia i runga ake nei ko te Hupirimi Kooti te kai-whakamarama ite ture. Tera atu etahi Kooti kei rare iho i tera, ko te Kooti Whakawa Tuturu (Magistrates Court), ko te Kooti Kara (Police Court), ko to Kooti Whenua Maori; e whakahaere ana ia Kooti, ia Kooti i te wahi o te ture e rite ana mana, mana. Na, ko enei Kooti hei whakapa mai i nga whiu a te ture ki te tangata, kite taonga, ki te whenua. Ko te ringa kaha tonu te take i whai mana ai te ture. Ko te wehi ki te whiu nana i herehere mai te ngakau tutu, te ngakau whanako, te ngakau kohura o te tangata. E tika ana kei te tohutohu mai te ture, kei te whakatakoto i nga rohe hei haerenga mo te tangata mo ana mahi i tenei ao. Engari kei te taha tonu o ana rohe e tu ana ko nga kai-tiaki o te ture, ko nga pirihimana, ko nga kai-tirotiro. ko te Iwi Nui, ko koe, ko au. Ko te ture whiu kore, e rite ana kite pi, kaore he wero. Ka kite ture, kaua hei patu tangata: ki te patu tangata ka tarewatia. Ka kite ture, me utu e koe o nama, ki te kore ka murua ko au taonga hei whakaea, ka whiua ranei ko to tinana kite herehere, hei whakakaha i a koe ki te kimi huarahi eeaai to nama. Ka ki ano te ture, ko nga moni e moketetia i runga ite punga whenua, ma te whenua e whakaea. Kite kore e ea i te rangatira o te whenua, ka murua ko te whenua. Ko tetahi ra tenei o nga mea nunui kei te ao e takoto ana, ote orokohanganga mai ra ano, ko te wehi i te whiu. Ko te Atua o Iharaira, ko Ihowa e ki ana mai 44 Ko Ihowa hoki ahau, ko ton Atua, he Atua hae. e mea ana i nga hara o nga matua kia tau iho ki nga tamariki, a, te torn, te wha ra ano o nga whakatipuranga o te hunga e kino ana ki ahau e whakaputa aroha ana hoki ki nga mano, kite hunga e aroha ana ki ahau, e whakarite ana i aku ture.” No te ture Atua, ka tauiratia mai kite ture tangata.