TE HUT I WAIHI, TAUPO.

Toa Takitini, Issue 23, 1 June 1923, Page 6

TE HUT I WAIHI, TAUPO.

ANUI nga iwi o te motu i tae kite hui i hurahia ai KANUI nga whakamahara ki tae Te Heuheu. I reira a te kohatu whakamahara ki a Te Heuheu. I reira a Tuhoe, a te Arawa, a Ngati Awa, a Ngati Tahu, a Taranaki, a Whanganui, a Maniapoto, a Ngati Haua, a Waikato, a Ngati Kahuhumi, ki Wairarapa, a Ngati Whatua, a Ngaiterangi. No te 30 o nga ra o Aperira ka hurahia nga tohu whakamahara mo Te Heuheu Tukino. E rua nga tohu, he kohatu

tetahi, he pou whakairo tetahi. Na te Kawana i hura te arai o te kohatu, na nga waka e whitu i hura te arai o te pou whakairo, ara na Matatua, Tainui, Te Arawa, Takitimu, Aotea, Tokomaru, Kurahaupo. He mea powhiri te Kawana i runga i to te Maori ahua. Takoto rawa nga matua, ka riro na Matatua i wero te Kawana. Ko te Minita Maori te hoa o te Kawana, me Ta Maui Pomare, me Takuta Te Rangihiroa. Ka tau te Kawana kite marae, ka tu atu ko te Tama aTe Heuheu ki te hoatu i nga mihi a nga iwi katoa. Ka mutu ka tu mai te Kawana kite whakautu i nga mihi. Ka mutu kua tae tonu ki te taima ote hura ite arai ote kohatu, mete pou whakairo. Ka mutu ka tu tetahi tangata no Waikato ka whakahua i tana ingoa mo te pou: “Te ingoa mo tenei po ko Pukawa.” Kamutu ka tu atu no Ngati Tuwharetoa: “Te ingoa mo tena pou ko Puhaorangi.” Ka tu atu no Wairarapa: “Te ingoa pai ki a au mo tenei pou ko Nga Waka e Whitu. Hei painga tenei ki nga iwi ote motu i tae mai ki tenei hui.” Heoi paahitia ana e te hui koira he ingoa ko “ Nga Waka e Whitu.”

Kanui te pai o tenei hui, te pai o nga whakahaere o te marae tae noa ki nga wharc o muri tino pai, he mea mahi ra no ki te wai, wehe ke to nga tane, wehe ke to nga wahine. Tae atu ki nga teepu kai te mihi a te tangata,kaore hoki he kai i ngaro. Kaore he haurangi i kitea kite marae ote Hui. Nui atu te taonga Maori, a e rua rau pauna hoki nga moni. —Na IV. Whatanui. Te Whaiti, Mei 11, 1923. • ’