KO WAI NGA ATUA O TE MAORI?

Toa Takitini, Issue 23, 1 June 1923, Page 5

KO WAI NGA ATUA O TE MAORI?

HE mea tika ano kia whakaarohia nga main a o tatou tupuna. E kiia ana e karakiatia ana e nga tupuna kia haere nga rakau ka haere nga rakau, ka karakiatia e ratou kia ua, ka ua; ka tangi te whatitiri, ka hiko te uira, ka rere te ngana Nga mea katoa i hanga nei ete Atua, nga mea e kite nei tatou, e rongo katoa ana ki nga karakia a o tatou tupuna.

Kaati kua rongo tatou ki nga kupu a etahi tangata e ki ana kia whakamutua te karakia ki nga atua o tatou tupuna. Ki toku whakaaro me ata kimi marire e tatou mehemea ko ewhea atua e karakiatia ana e o tatou tupuna i rongo ai te rakau. te kohatu, te ua, te whatitiri, tac atu ki nga ika te rongonga i nga karakia a o tatou tupun. Mehemea a ko te Atua Matua, Atua Tama, Atua Wairua Tapu nga Atua i karakiatia ai e o tatou tupuna a rongo ai aua mea, e kore e tika kia whakamutua te karakia ki nga atua o tatou tupuna, erangi me mahi kia nui atu te tapu, te tika, me tc tapatahi o tengakau, me hoki ki runga kite huarahi tino tika i rongo ai aua mea ki o tatou tupuna. Ina nga mahi he a etahi o tatou ko te whakaatua i etahi ahua kararehe, i etahi ahua manu, i etahi ahua ika, i te waihotanga i nga wairua o nga tangata mate hei atua. He tika ano pea

te inoitanga a o tatou tupuna ki o ratou atua e noho mai nei i nga rangi, tae atu kite rangi tuaiwa, kia tukua mai he whakaoranga mo o ratou mate; tukuna mai ana he kuri hei mitimiti i o ratou mate. No te oranga waiho tonu iho e nga mokopuna hei atua taua kuri. I penei katoa te timatanga mai o nga atua Maori o enei rangi i a tatou nei. Tena ia ko nga atua o tatou tupuna kci runga kei nga rangi ratou e noho ana. Na kite inoi te tangata kite atua kia whakaorangia ia i tona mate, te taenga mai ote manu kite whakaatu ite ran rakau c ora ai tona mate, kaua hei koropiko hei whakawhetai atu kite manu, erangi me koropiko me whakawhetai atu kite Atua ora e noho mai nei ite rangi Ko te Ariki tera o ana me a e whai nei etahi tangata hei atua mo ratou. Me titiro tatou ki etahi tupuna o tatom e korerotia nei e nga Karaipiture, ara kia Hona poropiti, i akiria nei kite moana, horomia ana ete tohora, haria ana ki uta, ruakina atu ana kite whenua maroke. Ora ana a Hona, whakawhetai atu ana a Hona kite Atua kite Ariki o te tohora. Kaati ko te tauira o Hona hei tauira kia tatou kite iwi Maori, ko te karakia pono ki nga Atua ote rangi, Ko nga atua era o tatou tupuna i rongo ai i a ratou nga mea e kite nei tatou. Kaati ko nga tangata o taua o te iwi Maori e whakaatua nei i nga kararehe, i nga ika, i nga manu. i nga kohatu, i te tini noa atu o nga atua pera, e tika ana kia whakamutua te whakaatua i aua mea. Otira e aku iwi Maori, e hara ko koutou anake e karakia nei ki nga atua o te whenua Ko nga iwi pakeha hoki he atua pakeha ano hoki o ratou. Inahoki he atua no te pakeha te purei hoiho. He atua no te pakeha te moni. He atua no te pakeha te apo-taonga. Otira ko te atua nui atu ote pakeha he moni. Ahakoa he aha te haere a te pakeha whakaoti atu ki runga i te moni. Ko te atua tena ote pakeha naana i parehe i takakino nga huarahi papai ote Atua ora. Ko te moni me ona ture katoa naana i whakakino nga ngakau katoa kite Atua ote rangi Kaati ko te kupu nui me hoki tatou te iwi Maori ki nga Atua o te rangi. Na to koutou whanaunga. —Na T. H. Mataira. Wharekauri, Chatham Island.