TE KURA TAKUTA.
TE RUUMA TAPATAPAHI TUPAPAKU. I tera tau i whakaatutia e ‘ Te Pipi’ etahi o nga mahi ote Kura Takuta. Ko aua korero i pauuitia ki tena marae, ki tena marae, a, inaianei kua matatau mai nga kai korero o ‘Te Pipi.’ ia wahi, ia wahi, he kura ako mahi takuta ano kei Niu Tireni, kei te pito kite tonga o Te Waipounamu. Ko enei kupu kaore e maha rawa, heoi ano mo nga mahi anake o te ruuma tapatapahi tangata. I mua ote korerotanga ate tangata i enei kupu kaua e whakapono kia kite ra ano ia ite nama o ‘Te P.pi’ i taia ai ki roto. Kia tupato kite arero kei tapepa i o whakaaro kei puta kite horihori. Taua ruuma e 40 pea putu te roa, e 20 te whanui 16 te tei'ei, a, kei te papa hoki o runga o te whare. Tera alO tetahi ruuma kei raro kei te whenua: hei waihotanga i te tupapaku i roto i nga wai rongoa kei pirau. He mea ano i ma marama e takoto ana i roto, a, hei te tikinga atu kaore kits haunga kite aha. Kia roa ra ano e tapatapahia ana, ka paaki te whakaatu kite ihu. Hei te timatanga o te kura ka kawea ki runga kite ruuma kua whakahuatia ake ra, ka whakarato haere ai, kotahi ki tena tepu, kolahi ki tena tepu, a kapi noa nga tepu e toru. Ka timata te tapatapahi, ka haere ena tokorua ki ta raua na wahi i hiahia ai. E rua ki te kaki mete upoko; e rua kite ringa kotahi tae atu kite pakihiwi; e rua kite hope; e rua kite waewae kotahi, hei te hono ote kuha ka aim whakararo atu. Hui katoa tekau kite tinana kotahi. Kei konei te wahine te tane e mahi ana, he wahine ano hoki etahi e ako ana kite mahi takuta. He aha te take i tapatapahitia ai te tangata ? Hei ahuareka noa ranei, hei hianga ranei ? Hei tinihanga noa pea ? Ehara ite mea hei ahuareka. Ko wai e haere kite rua tupapaku whakarongo ai ite haunga ? Ko wai e.noho i roto i te ruuma haunga mo nga haora e rua ia ra, ia ra ? Te take i mahia ai nga mahi o taua ruuma, hei akj i nga mea whakatniharo o te tinana o te tangata, kua rapua nga mea o te tinana o ia kararehe, o ia kararehe, a kaore i rite kite tinana tangata. Eki ana a Rawiri, “He mea whakawehi, he mea whakamiharo toku hanganga.” Eki ana ano hoki taua kaumatua “ I hangaia e Ibowa te tangata ki raro tata iho i te anahera.”
Tetahi he maha nga mate o te tangata e pa ana ki roto i tona tinana, a, ma te naihi e tiki e tapahi ka ora. E rite ana kite taru e awhi nei ite puke kumara. Ma te kaheru e tiki ki nga putake o taua taru, ka mate ai, ka ora ai hoki te puke kumara. Mehemea aha kaore te kai ngaki i mohio kei hea nga putake o te kumara, tera e motu i a ia, a koia nei te take i rapua ai nga mea o roto o te tangata kia tapahi noa ai i whea wahi, ka mohio tonu te takuta he aha nga mea e tata ana ki tana naihi. Heoi ake nga kupu mo tenei taha ote mahi takuta, kia mama ai. Taihoa ra pea etahi ka tukua atu ano. Heoi ano, na Tutere Wi RePA. Dunedin, Otago.
Permanent link to this item
https://paperspast.natlib.govt.nz/periodicals/PIPIWH19001101.2.11
Bibliographic details
Pipiwharauroa, Issue 33, 1 November 1900, Page 7
Word Count
587TE KURA TAKUTA. Pipiwharauroa, Issue 33, 1 November 1900, Page 7
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in