HE WHAKAHOKI MO NGA PATIA.
Na'Nikora Tautau. Ruka xiii, 6-9. Kia whakamaramatia te tau tuatahi, tuarua, tuatoru. Ko tetahi whakamaramatanga e penei ana, ko aua tau etoru he whakarite mo nga tau e toru o te Karaiti e kauwhau ana. Ko tenei kupu whakarite i whakahuatia i te tau tuatoru ote Karaiti e kauwhau ana. E toru ano hoki nga tau o te Karaiti e kauwhau ana ka ripekatia nei. Na Hemi K Taitimu. 1. He aha te " Tawha " i kia atu ra e Aperahama kia Raiwi. Ruka xvi, 26. Taua tawha ko te wehenga o te pai, mete kino, I tenei ao e noho tahi ana te pai mete kino. I te aa wairua e noho wehewehe ana. (2) Ko wai tenei tangata a Merekihereke, Kingi o Harema ? Hiperu vii, 1. Ko nga korero mo Merekihereke kei a Kenehi xiv, 18-20. Tirohia hoki Nga Waiata 110 : 3. Hipefu v, vi, vii Kenehi 14, 18 : " Te Kingi o Harema." Ko Harema te ingoa tuatahi o Hiruharama. " He taro, he waina." Hei whakamaharatanga i muri mai nei kite tinana me nga teto o te Karaiti. Kotahi mano nga tau o te ingoa o Merekihereki e ngaro ana whakahuatia ana ano e Rawiri i te 110 o nga Waiata hei tauiri mo te Mihaia. Kotahi mano hoki nga tau i muri i a Rawiri ka whaka huatia e Paora i tana pukapuka ki nga Hiperu ; he whakaatu nana ko te tohungatanga o nga Riwaiti kua whakakorea atu. Ko te take i whakaritea ai a Merekihereke ki a Te Karaiti iroto i nga Hiperu :—(1) Tokorua raua he tohunga, ahakoa kaore raua i ufu ki roto kite turanga o nga Riwaiti. (2.) I nui ke ake raua i a Aperahama. (3.) Ko te timatanga mete mutunga o raua tahi, kahore i mohiotia. (4.) Tokorua raua, ehara i te mea he tohunga anake, engari he Kingi no te Tika no te Rong^mau. E hoa ma, e kitea ana ki konei tetahi o nga kupu whakahe mo nga tikanga pohehe a nga Momona. Ko te tohungatanga o Merekihereke e mau tonu ana. Hiperu 7, 8. He tangata tapu rawa tenei, kaore i whakaritea he tangata hei tango i tona tohungatanga, no te mea e
mau tonu ana tona tohungatanga me ton a oranga. Na lionei hoki i whakaritea ai ki a Te Karaiti. I pokanoa te tikinga atu a nga Momona i tenei tohungatanga. He mea tapu rawa tenei, Kaore i whakaritea hei hapai ma etahi atu. Tokorua ano raua mo tenei, tohungatanga, ko Merekihereke ko Te Karaiti. Katahi ka tikina atu e nga Momona ka whakanoaina te mea tapu rawa nei. Na te pohehe, na te kuare pea, u a ratou. Kaore rawa he kupu Karaipiture hei whakatika i ta ratou tangohanga mai i te tohungatanga o Merekihereke.
Permanent link to this item
https://paperspast.natlib.govt.nz/periodicals/PIPIWH18980901.2.6
Bibliographic details
Pipiwharauroa, Issue 7, 1 September 1898, Page 6
Word Count
464HE WHAKAHOKI MO NGA PATIA. Pipiwharauroa, Issue 7, 1 September 1898, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in