Te Haere ki Waitangi

Muka, Volume 13, Issue 3, 1 March 2001, Page 4

Te Haere ki Waitangi

Na Juanita Teepa

Iwhakaaro noa ahau kite korero mo nga mahi i mahia e matou, nga kaimahi o Te Taura Whiri i te Reo Maori i Waitangi, engari ka hoki aku mahara ki nga korero a taku mama mo tana tipu mai i roto i tera rohe, ka whakaaro ahau anei ke pea he korero maku. I tipu mai taku mama i Waima, i Okaihau hoki, a, i ahau e tamariki ana ko taku tino wawata he toro atu ki tera taha o taku turangawaewae kia mohio noa i ahu mai au i hea. Na te mea i tipu ke mai ahau i

Ruatoki ka noho kuare ahau ki tenei taha o taku whakapapa, a, tae mai ana te korero ka tu te hui poari a Te Taura Whiri i te Reo Maori ki Waitangi, kipakipa ana taku manawa! I te 1 o Hui-tanguru i rere atu matou ko etahi o nga kaimahi o te

tari ki Tamaki-Makaurau, a, ma reira ka haere whaka-te-raki ki nga whenua o Ngapuhi, ara kite rohe o Waitangi. Ahakoa i tipu mai taku mama i roto i tenei rohe, i noho waewae tapu tonu ahau, ara, koinei taku haere tuatahi ki tenei pito o te motu. Te taenga atu ki Waitangi i te po o te Rapare, whakanakana ana aku karu kite kura o te whenua. Te piataata mai o te takutai moana i te tonga o te ra, a, te kite hoki i te ngahere e kakahu ana i nga puke o Waitangi, katahi ano te ataahua! Engari mo tena, i mohio tonu ahau ehara tenei i te haere tirotiro whenua, ara ke ano te kaupapa. Tino kaha nei te whiti mai o te ra i tera takiwa, tae ana kite toru tekau whakarautanga te wera! Aue, taukuri e! I pera hoki nga ra mai i te Ramere

kite Rahina, engari ite ra whakanui i te Tiriti o Waitangi, he ata koruki, a no te ahiahi ka heke mai te ua.

Na reira, ka mauria matou ko Miria, ko Nicola e Patu ki Waima ki te tipi haere. I taku taenga atu ki roto o Waima, kare ano e taea te

whakapuaki i te koa o taku ngakau - ano he hokinga kite kainga. I runga i tenei ahuatanga he haere whakakotahi, whakaharikoa ngakau, whakatau wairua hoki tenei haere. Ko taku mihi tuatahi ki aku hoa mahi i Te Taura Whiri i te Reo Maori, ki

nga Kaiwhiri hoki, na koutou tenei hui i karanga ki taua rohe. A, ki a Patu raua ko Erena, mo a korua manaaki i a matou katoa, ka nui nga mihi ki a korua.

Tena rawa atu koutou katoa