Te Hui Kaiwhakamāori i tū ki Poipiripi 9-16 Hui-tanguru 1996

Muka, Volume 9, Issue 3, 1 July 1996, Page 4

Te Hui Kaiwhakamāori i tū ki Poipiripi 9-16 Hui-tanguru 1996

Tu ai tenei hui ia torn tau, a, katahi ano ka karangatia e tenei pito o te ao ki konei te hui tu ai. Ko tona ahua 500 nei nga tangata i tau mai i runga i te reo tawhiri o te hunga kaiwhakamaori o Ahitereiria, a, o taua hunga i puta ake ra neke atu i te 350 no whenua ke. Pai ana tera te korero atu kite hunga kua roa e pikau ana i te kaupapa, e tiro ana ki nga piki me nga heke o te mahi nei mete puta ano ote whakaaro me aha rawa e pai ake ai, e totika ake ai te mahi a te hunga kaiwhakamaori.

Na te Minita Take Kakanomaha te hui i whakatuwhera, a, he nui ona whakaaro i whakaputa. E tino whai ana a Ahitereiria kia ahei te tangata kua mau i te ture kia whai kaiwhakamaori mena kaore i te mohio kite reo Pakeha.

E rite ana a reira ki konei, ara, ma te kaiwhakawa rawa e whakaae e taea ai - ko tera e whaia ana kia tangohia mai i nga kaiwhakawa. Ko te hiahia o taua Minita, kia mana tana e whai nei a te 1 o Pipiri o tenei tau.

Ko te kaikorero whai mai i a ia he kaiwhakawa i te koti matua i ona wa engari kua eke te karangatanga pakeke ki a ia, a kua mutu te mahi. He tangata pai ki te korero, he ngahau ano hoki. Me ki ko te tahu o tana i korero ai, ko te tino whaihua o tenei mea, o te kaiwhakamaori, a, i te tino tautoko ia i ta te Minita i ki ai mo te ahei ote tangata kite whai kaiwhakamaori mena koira te pfrangi.

He nui nga kaikorero na reira he nui nga whakaaro i puta:

1) kia tino marama he kaiwhakamaori a-tuhi etahi, he kaiwhakamaori a-korero etahi. Me whakamatau i runga i taua whakaaro.

2) kia tika tonu te whakamaori a te kaiwhakamaori kia puta pai ai te ngako, te matu o te korero.

3) kia marama atu nga korero, kia marama mai ai te kaiwhakarongo, te kaipanui ranei

4) kia tino maumahara kite matatau o te kaiwhakarongo kite panui, kite tuhi kia tau ai te taumata o te reo ki to taua tangata ra.

5) kia tino tika te reo o te kaiwhakamaori a-tuhi, akorero. Kei te kitea kaore i te pera rawa te pai o te reo o te kaiwhakamaori ina tuhia.

6) ko te whakatauki reo Tiamana i waiho hei whakataukf mo te hui - ‘verstehen und werstanden werden’, ara, ‘ka marama atu, kia marama mai ai hoki.’

Ina noa atu te huhua o te tangata i tutaki au e noho ana koinei te mahi, ara, ko te whakamaori. Ko tona tino tikanga kia tino matatau te tangata ki tona ake reo me te reo e riro nei mana e whakamaori. Ina kore ehara i te kaiwhakamaori tino pai.

Ka haere nga whiriwhiri, a, whakatauhia ana kia tu to muri atu hui ki Mons, i te whenua o Pehiama, a te tau 1999.