TE TAU O TE REO MĀORI

Muka, Volume 7, Issue 4, 1 September 1994, Page 10

TE TAU O TE REO MĀORI

Kua oti ake nei te whakamohio atu kua riro ma Damiane Rikihana e poipoi haere, e tuitui haere nga kaupapa whakatairanga i te Tau o te Reo Maori. Na te mea kua waiho ma te tangata kotahi enei mahi e whakapakari, a, koira anake tana mahi i te tari nei,

ko te awhero nui o matou, ka kaha ake te whakatakataka o tenei kaupapa i enei marama e wha e tu mai nei.

Ko te korero i puta kite Muka o mua atu, kei tenei putanga ata whakaatuhia ai nga kaupapa e whakaritea ana e tena, e tena o tatou. Engari he pai ake pea te waiho mo te putanga o te raumati ka puta nei i mua mai o te ra whanau o Ihu Karaiti.

Ki taku matakitaki atu, ko te putea te mate nui. He nui tonu nga Maori kua puta mai kite tari nei me a ratou kaupapa e hiahia ana ratou kite whai atu, engari ko nga here utu kei te whakauaua i te haere. Pera ano a konei, na matou ano a matou ake kaupapa i whakarite mete wawata ano ka taka noa mai he herengi i te rangi hei ona wa e hiahiatia ai.

Kua kitea mai he putea paku nei mai i te Puni Kokiri hei tautoko i nga mahi o te Tau, engari ka pau te tino nuinga ki nga mahi papaho e korero ake nei au. E mea ana matou kite hoko mai i tetahi Maori tino mohio kite whakapati tangata, ko tana mahi he toro haere i nga kaipakihi nui te moni ka pati moni mai ai i a ratou mo te Tau o te Reo Maori te kaupapa. Ki te penei, akene pea ka taea etahi kaupapa te paku awhina atu. Engari kaua e kukua te manawa; me whai tonu tatou i nga mahi tera ka taea ki 5 tatou ano pukoro, a, kite tutuki tenei wawata putea awhina o matou, ko te pai nga atu tera.

Ko te tikanga ka mohio te Taura Whiri ae ranei he putea tohatoha ta matou hei awhina i a koutou kaupapa a te mutunga o Whiringa-a-rangi. Engari kaore he he o te whakamohio mai kei hea ke 6 koutou whakaaro e haere ana i te wa nei, kia pai ai ta matou tuhi korero kite Muka o muri atu.

Na reira, Maori ma, tenei ano te inoi atu kia tangi wahi mai koutou me 6 koutou whakaaro, a koutou kaupapa e kaha ake ai te kitea atu ae, he reo

whaimana, he reo rangatira to tatou. E ki ana te ksrero e kore a muri e hokia, a, kei te hangai mai tera korero kite Tau ote Reo Maori. E kore tenei waka e whakahokia atu ki ona rango, ki kona popopotia mai ai, engari me tautoko mai ano e te katoa o nga tangata e ngakau nui mai ana kite reo Maori, kia kore ai tenei waka eke noa e huri hei waka pae noa i roto i te wa.

poipoi - pokepoke, tiaki tuitui - tuhonohono awhero - tumanako whakatakataka - korikori kaipakihi - he whakahaere hokohoko popopo - puanga