TE TAO KUPU A KORO WĒTERE
Koro e, Me pehea ke hoki e kore ai e puta he kupu mihi ki a koe mou i whakato atu i to taua Tau o te Reo Maori kite poho ote Whare Paremata i tera marama. Huaina ai tenei mahi e te Pakeha he “tlkapekape i te wharepl”, a, koia tonu rate korero tika mo tenei mahi uhumanea au i tena whare kopae o tatou.
I tapaetia e Koro ana patai ki mua kite aroaro ote Kahui Minita, e tono atu ana i nga Minita kia ata whakaatu mai i nga mahi e whakaritea ana i a ratou tari kawanatanga hei whakanui i te Tau o te Reo Maori, a, pehea nei te nui o te putea ka pau ki enei mahi. I ihumanea ai, na te mea ara tetahi tikanga o te whare paremata e mea ana kite ata whera te whakatakotohia ote patai kite Kahui Minita, kaore e taea e ratou te karo atu. Ahakoa pehea to ratou matakawa kite ahua ote patai, me puta tonu tona whakautu hangai, whai tikanga hoki. I tera tonu kua kitea mai sna tangata whakauaua, ona tangata atete i a tatou kaupapa reo Maori. Raoa tonu mai etahi, whakakeke ke mai etahi, engari i reira ano ona tangata tautoko i te kaupapa.
E rua nga tino hua i puta ake i tenei mahi a Koro, ko te tuatahi, i tutu te puehu puta noa i te motu mo te reo
Maori te kaupapa. Ko te tuarua, kua ata mshio te Taura Whiri inaianei kei te pehea mai nga whakaaro o ia tari kawanatanga. Ma tenei ka mama ake ta matou werowero haere i era e ngoikore noa ana, me ta matou tautoko i era e aro mai ana ki tenei kaupapa whakamohiki i te te reo taketake ake o tenei whenua.
tlkapekape -he kororirori kite rakau uhumenea - mohio (kerewa nei...) whakauaua - tohe, whakahe atete - tohe, whakahe whakakeke - he nohopuku, ahakoa he korero tonu kei nga ngutu e mau ana whakamohiki - whakatairanga, whakanui
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19940901.2.9
Bibliographic details
Ngā taipitopito pukapuka
Muka, Volume 7, Issue 4, 1 September 1994, Page 11
Word count
Tapeke kupu
337TE TAO KUPU A KORO WĒTERE Muka, Volume 7, Issue 4, 1 September 1994, Page 11
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in