HE KAIMAHI HOU
Ehara i te mea he aha, heoi ano he runga manawa kua eke mai nei etahi wahine e rua hei kaimahi hou ma te Taura Whiri. Ko Damiane Rikihana raua ko Hine-i-haea Murphy te tokorua kua urn mai nei kite apa ringa raupa a Tlmoti.
Ko nga tino mahi kua whakaritea hei whakatutuki ma Damiane, he whakahaere i nga mahi papaho, a, he ruruku haere, he pokepoke haere i nga kaupapa e whakaarohia ake ana e tena, e tena o tatou hei whakanui i te Tau o te Reo Maori. Ko Damiane tetahi o nga takawaenga papaho ma Te Puni Kokiri
i roto i nga tau tata nei. E waimarie ana te Taura Whiri kua watea mai ia kite awhina mai i a matou ki tenei kaupapa.
Kua riro nei ko Hine-i-haea Murphy te kaiwhakahaere i te wahanga matua o te mahi rangahau i te ahua o te reo Maori i timatahia i tera tau. Na Hine-i-haea hoki i whakahaere te Marautanga Reo Maori i raro i te maru o te Taura Whiri i tera tau me tenei, no reira he tuarua ke tenei mona. No matou ano te whiwhi i whakaae mai tenei pukeko kia hoki mai kite mahanga.
E whai mai ana nga korero whakamarama i nga mahi kua hora nei hei whai atu ma ia tokorua, heoi ano ta tenei, he mihi kau noa ki a raua. Ara te whakatauki ra “he rau ringa e oti ai te mahi” - kaore ke i te paku katata atu te nui o nga ringaringa o te Taura Whiri ki tera, heoi ano ma te aha i te rua tekau.
he runga manawa - he koanga ngakau apa - puni, ropu mahi papaho - ko te mahi a nga niipepa, nga reo irirangi mete pouaka whakaata ruruku - whakarite haere i tetahi kaupapa pokepoke - poipoi (paraoa nei) pukeko - tangata mohio
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19940901.2.6
Bibliographic details
Ngā taipitopito pukapuka
Muka, Volume 7, Issue 4, 1 September 1994, Page 9
Word count
Tapeke kupu
308HE KAIMAHI HOU Muka, Volume 7, Issue 4, 1 September 1994, Page 9
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.