TE HUI KI A "NAATI" 11 - 14 o Hōngongoi
Ko te reo whakahei no NAATI. Ko te roanga atu o tenei ingoa ko te "National Accreditation Authority for Translators and Interpreters". Ko te whakarapopototanga ko NAATI kua huaina ake nei.
He ropu tenei i whakaturia e te Kawanatanga o Ahitereiria hei kawe, hei whakahaere i nga whakamatautau whakamarama, whakawhitiwhiti i nga reo o nga iwi manene huhua noa kua whakarerea iho 6 ratou ake whenua, tau ke ana ki Ahitereiria, noho tuturu ai. Ko te tino mahi he whakatutu tangata mai i aua iwi e matatau ana kite reo Pakeha hai
mangai, hei takawaenga i roto i 6 ratou iwi. Ko te putake ote haere kite whakatau ite reo whakahei, he titiro kite ahua ota tenei hunga i tana kawe i te kaupapa, i te mea ko tenei tonu tetahi o nga tino mahi e kawea nei e te Taura Whiri, otira he kimi tauira hei whakamaunga atu ma te Taura Whiri.
Itu tenei hui kite taone o Jameson, rohe o Kanapera, te Iho Matua o te whenua o Ahitereiria.
E koa ana te ngakau i whai wahi atu ki tenei hui, no te mea kua roa e hua ana te whakaaro kite whakatakoto tikanga hai tatari, hai whakatau ko wai kua pakari, kua ahei mai ki a te Taura Whiri, ki ana nei whakamatautau kua roa ke nei e whakahaeretia ana i runga i te whakaaro ka taea noatia e te tangata ahakoa ko wai e tono ana. Heoi ano tana he tono mai, ka utu mai i tana moni, kua uru mai ki nga whakamatautau. Mete aha ano, tino torutoru nei te hunga i puta nga ihu i nga whakamatautau kaiwhakamaori i roto i nga tau ka pahure ake nei.
Kei nga mahi tuhituhi e tino mate ana, te tuhi i te reo Maori mete reo Pakeha hoki. Kia tae kite wa e whakakorerohia ai, he autaia tonu etahi kite whakaputa whakaaro kite reo Maori engari ko te reo Pakeha kei te whakararuraru i te nuinga. Haere tahi tonu ai nga reo e rua i roto i nga mahi kaiwhakamaori i roto i nga koti me era atu whakahaere o roto i te ture.
Kua tae tenei kite wa me mutu te whakaae atu kite marea noa e tono mai nei, engari ia me matua haere ke kia whakaakona ki tenei momo mahi, ka whakaaro ai kite whakauru mai ki nga whakamatautau.
He whakapau taima, he moumou moni mena kite whaia tonuhia nga ahuatanga o naianei, otira he moumou i nga moni a te hunga e tono nei, a, me nga moni ano hoki a te Taura Whiri e whakapaungia nei kite haere ite mata ote whenua kite whakamatautau i tenei hunga.
E whai ake nei tetahi tauira, he mea homai e NAATI hei whakaaro ake ma te Taura Whiri. Ki ta matou titiro kaore i tino uaua rawa engari mete whakapae ano o matou tera pea heke ai te tokomaha o te hunga ka ahei. Hai aha koa ko te mea nui ke ka uru mai ko nga totika mana noa ake te kore e puta, a, kua whai hua tana i utu ai, a, kua toe a te hunga poka noa mai.
Nga tohu ote kaitono e ahei ai kite whakauru mai: i)Me tangata kaimahi no tetahi tari kawanatanga, kawanatanga-a-rohe, whakahaere tumatanui, tumataiti ranei;
ii) Me tangata reorua kua taunga ke ki nga mahi whakamaori engari e hiahia ana kia whiwhi tohu; iii) Me tangata reorua kaore ano kia whawha atu ki nga mahi whakamaori engari e hiahia ana kite ako.
Ko te mokitotanga o nga tohu o te kaitono e ahei ai kite whakauru mai:
i) Me tangata korero ite reo Maori mete reo Pakeha hoki;
ii) Me tangata i tutuki te wha tau i tetahi kura tuarua; iii) Me tangata kua eke tona mohio kite reo Maori mete reo Pakeha e hangai ana ki nga taumata kua whakararangitia ake nei.
Kei te mohio atu ara ano te hunga kaore i kuraina, kaore hoki i roto i nga tari a te kawanatanga me era atu whakahaere engari e tino matatau ana ki nga reo e rua. Ko koutou te hunga e whaia atu nei engari kei te tino ngaro haere tena momo i a koutou na.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930901.2.4
Bibliographic details
Ngā taipitopito pukapuka
Muka, Volume 6, Issue 4, 1 September 1993, Page 4
Word count
Tapeke kupu
711TE HUI KI A "NAATI" 11 – 14 o Hōngongoi Muka, Volume 6, Issue 4, 1 September 1993, Page 4
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.