TE KURA WHAKAAKUAKU REO O TE RAUMATI
Ko Te Whanga-nui-a-Tara te maunga, Ko Waimarama te marae,ko Taupunga te whare, Ko Ngdti Ura-ki-te-rangi, ko Ngdti Whakaiti, ko Ngdti Kurukuru, ko Ngdti Hikatoa ngd hapu, Ko Ngdti Kahungunu te iwi, ko Tdkitimu te waka
Tena ia ra, ko te kura reo o muri atu. Kua tatu, kua tau ko te 16 kite 21 o nga ra o Kohi-tatea 1994 te wa etuai ta tatou kura reo ote raumati, kite marae o Waimarama, takiwa o Heretaunga.
Ko tenei hui mo te hunga kua ahua roa tonu e ako ana i te reo Maori, e korero ana i te reo Maori, a, e hihiri ana kia ekea ona kotihitihi. Mea koe kei te taumata o Autaia Tonu, a, e kimi ara ana koe e piki atu ai ki te taumata o Ka Mutu Pea, a kati, koinei te kura mou. Kore rawa pea e ekea taua taumata mutunga ke mai nei o te ekieki, engari ko te pata ke ia o te whakatleke, ka teitei haere ke ake, ka ataahua ke ake te tirohanga atu. Ma te aha i tena?
I kokuhutia mai ai ki konei he kupu whakamohio e pa ana ki tenei hui, he hiahia no te Taura Whiri kia awe te whakaaturia mai ko wai ma o koutou kei te hiahia haere ake. Ki te kore matou e marama ki to tatou nui i mua noa mai i te Kirihimete, ka he noa iho nga mahi whakarite rauemi hei hari atu.
He take atu ano e matangareka nei te Taura Whiri kia mohio ki to tatou nui. Ki te hipa ake to tatou tokomaha i te ono tekau tangata, e mea ana te tangata whenua kite whakatu teneti ite taha ote wharenui, kia kore ai e kT pohapoha a Taupunga. Engari kite kore a Waimarama e reia, e muia e te tangata, he moumou moni, moumou ngoi hoki te whakarite teneti. No reira e inoi atu ana kia tukua mai tou ingoa me tau moni utu, kotahi rau tara ($100), kia tau mai ai ki to matou tari i mua ite 10 o nga ra o Hakihea, 1993. Ma reira e ngawari ake ai te wahi kite tangata whenua, a, ki nga kaimahi ano hoki i te Taura Whiri.
A tona wa tukuna atu ai nga korero whakamahuki i te ahua ote kura kite hunga kua ki mai, ae, kei te tino haere atu.
Piki mai, kake mai ki tenei kura a tatou, ki reira whakamatau ai i nga tahataha marutuna o Matatau!
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930901.2.10
Bibliographic details
Ngā taipitopito pukapuka
Muka, Volume 6, Issue 4, 1 September 1993, Page 9
Word count
Tapeke kupu
422TE KURA WHAKAAKUAKU REO O TE RAUMATI Muka, Volume 6, Issue 4, 1 September 1993, Page 9
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in