HE UI MAI M Ō TE "URUPOUNAMU"
Mutu kau ana te tuhia o nga korero o runga ake nei mo te ahuahu kupu, ka pa mai ki oku taringa te urupounamu nei: “He aha te painga o te whakamahi kupu hou, penei i te urupounamu nei mo te patai, mena he patai noa iho te urupounamu? Me mau ke kite mea mama, kite mea poto, kite mea e korerotia ana i nga hau e wha.”
Ka werawera katoa au i taku whakatakariri, i taku whanowhanoa. Ina hoki he kupu tuturu te urupounamu, ehara i a te Taura Whiri, i a wai ake ranei. Na te korenga ona i mohio ki taua kupu, tere tonu tana whakatau ki a ia ano he kupu hou na te Taura Whiri. Katahi na hoki te mutunga mai o te pohehe! Ehara i te mea ko ia anake, ko tona kotahi nei, e whakaaro pera ana. He nui tonu nga korero pera kua rongo au. Kitea ana he kupu kaore i te mohiotia, whakapaetia ana he kupu no te ao hou nei. Engari no mua ra ano, no tuauri te nuinga o nga kupu e whakaarahia ake ana e matou.
Me penei noa ake te korero. Tena, kite rangona, ki te kitea ranei he kupu kaore i te mohiotia, me matua kimi haere taua kupu ra i te Papakupu Reo Maori a H. W. Williams. Ki te kore e kitea mai, hei reira rawa koe tika ai kia patai mai i to urupounamu! Engari ia mena he kore noa iho nou i mohio, he kore noa iho nou i whakamatau kite kimi maramatanga, mau ano koe e kuhu!
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930101.2.8
Bibliographic details
Ngā taipitopito pukapuka
Muka, Volume 6, Issue 1, 1 January 1993, Page 5
Word count
Tapeke kupu
273HE UI MAI MŌ TE "URUPOUNAMU" Muka, Volume 6, Issue 1, 1 January 1993, Page 5
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in