NGA TAMARIKI KURA O TE KAO.

Kopara, Issue 6, 1 March 1914, Page 5

NGA TAMARIKI KURA O TE KAO.

ITINO whakamihia enei tamariki i runga i to ratou maia kite haere a waewae atu i Te Kao ki Akarana e 325 macro te roa o tenei haerenga. Tenei haere he haere kite Ekipihana, ko to ratou mahita ano to ratou pakeke. I tenei haere roa a ratou kaore he raruraru i pa ki tetahi o ratou kaore he aha mete ora o ratou tinana rite tonu kite ahua o te timatanga mai ota ratou haere. Ito ratou taenga ki Takapuna kei waenganui o Silverdale me Devonport ka whakanuia ratou i reira ara ka riro ratou na te pene whurutu (fife band) o reira i whakatau ka riro hoki na taua pene ratou i arahi ki Devonport. I konei ka hipihipingia ratou ka puta hoki nga kupu whakamihi a nga tangata o taua kainga mo ratou. Ahakoa to ratou ngaro i te puehu, i te werawera hoki kaore rawa he mea o ratou i titiro ahua ngenge engari i maia tonu o ratou ahua katoa. Mai i Devonport ka whakawhiti ratou ki Akarana i runga i tetahi tima mau pahihi. Ka whakatata atu to ratou tima kite “ H.M.S. Philomel,” he manuao no te Ingarihi i Akarana e tu ana ka haparangi ratou ka hipihipi i te koa katahi ano ratou ka kite ite manuao. Te taenga ki Akarana ka whakamanuhiritia e Mr. G. G. Garland, tiamana o nga Kura Poari o reira. Muri iho ka whakatautia ratou e tetahi pene tamariki ka riro hoki na konei ratou i arahi haere i Kuini Tiriti mete hipihipi ote tini ote tangata ki a ratou. To ratou taenga kite wahi i reira te Ekipihana ka haere mai te Tumuaki o te Ekipihana kite whakatau i a ratou ka powhiritia hoki ratou. Te mutunga ote powhiri i a ratou ka tu ratou ki runga kite waiata kite haka aka kino te haere. Tetahi tino wawata nui a ratou i te wa ka timata ta ratou haere mai kia haere ratou i runga motoka. No te ahiahi ano o taua ra i tae nei ratou ka rite tenei wawata a ratou, ka riro na tetahi tonu o nga motoka i uru kite whakakitekite ratou i mau haere. He tino maia rawa atu enei tamariki.