“AKE! AKE! AKE!”

Kopara, Issue 6, 1 March 1914, Page 6

“AKE! AKE! AKE!”

HEI a Aperira nei ka tu tetahi hui nui whakaharahara kite takiwa o Waikato. Ko taua hui he hui whakamaharatanga kite pakanga i Orakau, he pakanga rongonui. I tae he reta ma Ta Rapata Taute (Sir Robert Stout) kite Hekeretari o te Komiti whakahaere o taua hui, ko nga korero enei o taua reta ana ara ;—“ E mohio ana au ki a Rewi Maniapoto me etahi atu hoki o nga Maori i uru ki taua pakanga nui. E mohio ana ano hoki au ki a Kapene Tiakihana (Captain Jackson) te tangata whakahaere o nga hoia a te kawanatanga i taua pakanga. He iwi rangatira te Maori he iwi toa e hara i te tutua a ko nga kupu a Rewi i mea ra ia, ‘ Ka whawhai tonu matou ake, ake, ake,’ kaore he mutunga mai o te rongona e te tangata no te mea ka waiho tonu hei kupu korero mo ia whakatupuranga mo ia whakatupuranga. I tera wa he whawhai ta tatou kia hinga te Maori i tenei wa ko te tumanako o toku ngakau ko te whawhai kia kaua e hinga te Maori engari kia tu, kia kake haere ratou, Ko taku e matenui nei kia mau ratou ki nga tikanga ote ora mo te tinana, kia kaha kite rapu i te matauranga o te Pakeha, kia uru tenei mea a te pukuahuwhenua ki roto i a ratou. Ma konei anake ka ora ai ratou ka tupu ai hei iwi.”