HE WHAKATUWHERATANGA WHARE.

Kopara, Issue 6, 1 March 1914, Page 4

HE WHAKATUWHERATANGA WHARE.

NO te 7 o nga ra o tenei marama ka tu tetahi hui kite takiwa o Otaki, ara ki Katihiku, e kiia nei tona hapu ko Ngatihuia. Ko te putake o tenei hui he whakatuwheratanga whare, ko te ingoa ko Tama-te-hura. He tino whare ataahua taua whare, a nui atu hold te whakamihi o nga iwi i tae mai ki taua huihuinga. Ko te ingoa o tenei whare he ingoa no tetahi o nga tupuna o Ngatiraukawa. He tupuna rongo nui, he rangatira te tinana, pera ano hold te rangatira o ana mahi. No reira he ngakau nui no Ngatihuia, he aroha mo nga kupu o tenei kaumatua, ka maharatia e te iwi me puta he whakaraaharatanga mo Tama-te-hura. No reira tenei te tu nei te tupuna nei i tenei ra i roto i a Ngatihua, ara, i a Ngatiraukawa. He hui tenei i tae mai nga rangatira kite tautoko. Nui atu te mihi ote iwi mo tenei whakaaro o Ngatihuia. Kahore a Ngatihuia i panui ka hanga ia i tenei taonga, no te otinga, katahi ano ka powhiritia e ia nga mokopuna a Tama-te-hura, Ida haere katoa mai kia kite i a ia. No reira tae katoa mai ana nga iwi. Kia ora koutou e Ngatihuia mo to koutou whakaaro, koia hold koutou i mihia ai e te iwi, he rangatira no tenei mahi, he nui no to koutou whakaaro ki nga mahi a tenei tupuna a Tama-te-hura. No te tahi o nga haora i te awatea o te Hatarei ka timata te karakia i whakaarohia ai hei whakatuwhera i te whare nei. Ko nga minita o te Hahi i tae nei ko Rev. Wiriwhiti Wiremu, Tame Katene, mete minita ote takiwa me Temuera Tokoaitua, E rua nga wahanga o te karakia, te wahi tuatahi i waho ara, ko nga himene ko te iriiringa o te tupuna nei o Tama-te-hura, i runga ite ingoa ote Tokotoru Tapu, mete kauwhau, muri iho ka tomokia a ko te wahanga tuarua i whakahaerea ki roto ite tupuna nei. Nui atu te kotahi o nga whakaaro ote iwi, rite tahi te hapai i nga tikanga mo tenei mahi, koia e kore nei e mutu te mihi o nga iwi. I tae mai te Honore Takuta Pomare ki tenei hui, me tana whakamihi mo te whakaaro o te iwi kite whakatu i tenei whare ataahua.

Tetahi o nga tino take i korerotia e Ngatiraukawa ko te tohutohu i nga mokopuna a Tama-te-hura, kia whai te ngakau, nga mahara i tana tauira rangatira i whakarere iho ai hei whainga ma nga uri whakatupu. No reira tenei kei te kura minita i Te Raukahikatea, tokorua nga tamariki, nga mokopuna a Tama-te-hura, i haere atu i runga i te tuku a te iwi, he mahara iho ki nga kupu a te hunga mate, “ i muri nei kia mau kite whakapono.” No reira e tama ma kia kaha, kia mahara ki to tatou tupuna, ki ana mahi tika, kite iwi ano hoki nana korua i tuku atu ki tena mahi. Tenei te hiahia ake nei te ngakau kia whakaohoa nga whakaaro o era atu o nga mokopuna a Tama-te-hura kia whai i tenei kupu e mau ake

nei, “ i muri nei Ida mau kite whakapono.” Waiho ma te Wairua o te Atua e arataki, e whakaako, e whakamarama a tera ka hiahia te ngakau, ka hiakai ki nga mea Wairua. No reira e Ngatihuia, o Katihiku, ara e Ngatiraukawa ehara enei e mau ake nei i te kupu, ina ke nga kupu kei nga mea o tatou i tae, a kua hold atu ki tona kainga, ki tona kainga. Tenei kua takoto tenei tauira; whaia e nga uri whakatupu a Tama-te-hura, Ida kaha, Ida kotahi te whakaaro, ma tenei ka mama ai nga mahi. Heoi ra ka mutu iho, “ kia u, kei taea te whakakorikori, kia hira te mahi kite Ariki i nga wa katoa.”