HE URI MATUA.

Kopara, Issue 6, 1 March 1914, Page 3

HE URI MATUA.

KUA haere a te Makarini Ngata te tama a te Hon. A. T. Ngata ki tetahi o nga Kareti nui o Ahitereiria, ara ki te Kareti o Hakipere (Hawkesbury College). Ko nga mahi e akona ana i tenei Kareti nui ko nga tu ahua katoa o te ahuwhenua. Ke te wahanga mahi e tino whakapaua e Makarini tona mohio ki ona whakarawe me ona raweke katoa ko te mahi miraka kau ara i muri iho o te rapopototanga i a ia o ia ahua mahi whenua o ia ahua. Kua tupu tenei tamaiti hei tamaiti matau, kua haere tonu i muri i nga tapuae o tona koro. Kua mahue mai a Niu Tirani kua whakawhiti tenei ki tawahi ara ki Poihakena kimi ai i te matauranga. I kurangia ate Makarini kite kura ano i kurangia ai tona matua, ara ki Te Aute, I tera tau ko ia te mahunga o nga tamariki katoa o Te Aute, ara ko ia te mea tino matau. Kei a ia tetahi korahipi inaianei e karangatia ana (Puller’s Scholarship). I tera tau i pahi ia i te “Junior Civil Service,” i tenei tau ka pahi i te “ Senior Civil Service.”