HE KAUWHAU

Kopara, Issue 6, 1 March 1914, Page 6

HE KAUWHAU

Na Father T. Rees. Engari kua tae nei koutou ki Maunga Hiona, ki te pa ote Atua ora, ki Hiruharama ite rangi, ki nga mano tint o nga anahera, kite huihuinga nui.” Hiperu xii., 22. KATAHI ano tatou ka tae kite whakamutunga o nga whakamarama a Father T. Rees i te rarangi i runga ake nei hei torn tenei mo nga putanga i roto i Te Kopara. Mehemea kei te maumahara koutou ki nga whakaupokotanga i te Nama 40 Te Kopara o tenei rarangi ka marama koutou ko te Upoko 4 tenei, ara nga kupu whakamutunga o te rarangi e mea nei “Ki Hiruharama ite rangi: ki nga mano tini o nga anahera : kite huihuinga nui.” He mea whakamiharo rawa tenei ki e mea nei tenei rarangi “ Engari kua tae koutou inaianei ki Hiruharama i te rangi, ki nga mano tini o nga anahera, kite huihuinga nui.” Kei konei tonu nei ano tatou a e mea ana te rarangi “kua tae tatou kei Hiruharama.” Ae he tika kua tae tatou kei Hiruharama ahakoa i a tatou tonu e ora nei. Tahuri ana tatou ki tenei mea a te whakapono noho tonu atu tatou hei tangata whenua mo te Hiruharama i te rangi ara i timata tonu atu i tenei oranga te whakamatau a te tangata i te ahua o te oranga

tonutanga e whakaaria nei i roto i te Karaipiture mo te hunga e whakapono ana ki a Te Karaiti me tona Matua hoki i te rangi. No reira e tika tonu ana te mea ate rarangi e mea nei “ kua tae tatou ki Hiruharama i te rangi, ki nga mano tini o nga anahera kite huihuinga nui.” Tuarua te tikanga o enei kupu e whakaatu mai ana i te kotahitanga o te hunga whakapono o nga mea kua moe o nga mea ano hoki e ora nei inaianei. Katahi te whakaaro tino ataahua ko tenei. Kahore kau he tikanga e pouri nui ai tatou mo o tatou hoa kua wehe atu nei i a tatou he hunga i mate i roto ite whakapono. Whakaaro kei te Hiruharama katoa tatou ite rangi; whakaaro kua tae katoa tatou ki nga mano tini o nga anahera; whakaaro ano hoki kua tae tatou kei te huihuinga nui. Ko te huihuinga tenei o te Hahi a Te Karaiti e karangatia nei i roto i ta tatou Rawiri ko te “ Hahi Tapu puta noa ite ao.” E kore e taea te ngakau whakapono iti te whakaaro te tikanga o enei kupu, engari ma te whakapono hohonu anake. Ma to tatou tino tata kite Atua ma reira anake tatou e mohio ai e kite ai hoki kei te tu tahi tatou ko te hunga kua wehe, kei te amiki tahi tatou me ratou, me nga anahera o te rangi, he huihuinga tino nui whakaharahara.

( Whakamutunga).