W.C.T.U.

Kopara, Issue 6, 1 March 1914, Page 7

W.C.T.U.

KO te W.C.T.U. he Ropu wahine e karangatia nei ko te Ropu Turaki Waipiro o nga W'ahine Karaitiana. Tuatahi hei titiro ma tatou he hunga whakapono katoa nga wahine o tenei Ropu tuarua ko ta ratou tino mahi he turaki i te mahi hoko waipiro he whakakore rawa atu i tenei kai i te mata ote whenua. Otira e hara ite mea koianei anake ta ratou mahi: kaore. Engari tapiri ki tenei ko tetahi o a ratou whai kia pai te noho a te tangata raua ko tona hoa wahine, ki pai te kainga me nga mea katoa o te kainga kia matareka ki roto i te kanohi tangata, kia pai hoki te whakatupu ake o nga tamariki kia tupu ake i runga i te wehi ki a Ihowa kia whakahonore i nga matua. Ko tenei Ropu he ropu tino nui whakaharahara he peka ona kei nga wahi katoa ote ao. No te 4 o nga ra o tenei marama ka tu te hui a te Peka Nui o Niu Tirani nei ki Turanga i tata kite 70 nga mangai o nga Ropu ririki o nga wahi katoa ote motu i tae mai. Ka nui te kaha o tenei Ropu kite whakahaere i a ratou tikanga a kite whakaaro akuanei te horo ai te mana ote waipiro i a ratou. He manga o tenei Ropu kei waenganui i nga Maori i tata pea kite 60. He wahine matau katoa nga wahine whakahaere o taua hui he

hanga rawe kite korero he kaha hold kite korero kaore e hopohopo kite panga kupu kaore e wehi. Kaore he ruaruatanga o ratou whakaaro engari toitu tonu, tapatahi tonu ; kaore hold he tamatetanga. He tino Ropu kaha tenei. I roto i a ratou Ripoata ka kitea kei te kaha rawa te haere whakamua o a ratou ope taua a ko ta ratou tino whakatauki tera, “ Ahu whakamua tonu atu, kaua hei hold whakamuri.” Ano tera te mahi a taua hanga wahine he tai e pari ana kaore e taea te whakahoki. Ka manaakitia ano tenei mahi he tika hoki no te kaupapa. Ma te Atua ratou e whakakaha e awhina.