PITOPITO KORERO.

Kopara, Issue 5, 1 February 1914, Page 4

PITOPITO KORERO.

I runga i te whakaaro nui o tetahi tangata rangatira ote Wairoa kia tu ko te Atirikona Hapata Wiremu hei Pihopa ka whakahauangia e ia tetahi o nga motoka nunui o te Moto Kamupene hei mau i a ia me etahi o nga tangata o te Hinota e pooti ana mo Hapata ki Nepia kaore ona whakaaro ake mo te nui ote utu. Tokorua raua nga mangai-reimana tokorua nga minita pakeha tokotoru nga minita Maori ratou i haere. Tetahi haere rangatira, riro katoa na taua pakeha i utu nga raruraru ote haerenga ki Nepia mete hokinga mai ano kite Wairoa. Ko Hunter Brown te ingoa o taua Pakeha ako ia tetahi tangata Pakeha o te rarangi i a te Wiremu ma : he tino

hoa ia no Hapata. I tana whaikorero ite Hinota i mea ia kaore he tangata i tua atu i a Hapata hei Pihopa mo tenei Pihopatanga no te mea he tangata a Hapata e matau ana ki nga tu whakahaere katoa e piki ai nga mahi o tenei Pihopatanga he tangata e matau ana kite reo Maori, he tangata tino matau ki nga tikanga Maori. I tino kaha ana kupu tautoko i a Hapata. Ko nga Minita Maori i waimarie i tenei haerenga ko Hemi Pltiti, ko Wepiha Wainohu, ko Wi Paraire Rangihuna. Kotahi rau macro atu ite Wairoa iki Nepia. No te 8 o nga haora i te ata ka rere atu ratou no te 3 o nga haora i te ahiahi ka tae ratou ara e whitu haora to ratou rerenga atu, kaore noaiho i roa. He hanga rawe te motoka anake hangaia te nunui mete marohirohi o ia wahi o ia wahi te mohiotia ma te aha ka raruraru ai. Ka tae ratou ki Nepia ka haere nga minita Maori ki Heretaunga, i reira ka manaakitia ratou e Te Muera raua ko tona hoa wahine; ka noho i to raua kainga ataahua i roto tonu i te taone ka maumauria i runga i ona motoka. Ko tetahi tenei o nga Mirionea ote Maori a i tino manaakitia tenei hunga tokotoru e ia. Kia ora ia me tona hoa wahine me a raua tamariki.

Ko nga Minita Maori enei i tae kite pooti Pihopa, ara:— Rev. F. Bennett (Superintendent, Rotorua). Rev. W.K.P. Rangihuna (Mahita Tuarua, Te Rau). Rev. Pine Tamahori (Hikurangi, Ngatiporou). Rev. Peni Hakiwai (Ruatoki, Mihana). Rev. Manihera Tumatahi (Whakatane). Rev. Rewi Wikiriwhi (Rotorua). Rev. Wiremu Waaka (Tokaanu). Rev. R. T. Kohere (Te Araroa, Ngatiporou). Rev. Turuturu (Te Puke). Rev. P. Kohere (Waiapu, Ngatiporou). Rev. Turuturu (Te Puke). Rev. Pltiti (Wairoa). Rev. H. Wepiha Te Wainohu (Mohaka). Rev. Patihana Kokiri (Moteo). Rev. Hemepiri Munro (Heretaunga). Rev. Tuahangata (Taniwaka). Rev. Ropere Tahuriorangi (Tauranga).

Kua tae mai te whakaatu a Canon Sedgewick ka whakaae ia kia tu ia hei Pihopa mo tenei Pihopatanga. Kaore ano kia tino mohiotia te wa mo tona whakawahinga.

I tera tau 14,309,000 kape o te Paipera i tuwhaina ki nga wahi katoa o te ao e nga Ropu Ta Paipera o te Ingarihi.