HE KAUWHAU

Kopara, Issue 5, 1 February 1914, Page 6

HE KAUWHAU

Na Father T. Rees. Engari kua tae nei koutou ki Maunga Hiona, kl te pa o te Atua ora, ki Hiruharama ite rangi, ki nga mano tin! o nga anahera, kite huihuinga nui.”— Hiperu xii., 22. I MAUNGA Hiona ka mutu te whakamarama a Te Kopava i tenei rarangi i tera ona putanga; inaianei me whakamarama kote whakaupoko tuatoru ara “ Te pa o te Atua ora.” Kua whakamaramatia he pa a Hiona ara ko te pa tuatahi o Rawiri ; waihoki te Hahi Tapu puta noa i te ao he pa ara ko te pa o Ihowa. Engari kia marama ano tatou kite ahua o tenei pa e korerotia nei i roto i tenei rarangi. Kei pohehe tatou ko o tatou pa o naianei; kaore engari ko nga pa o mua ; ara nga pa o mua he pa whawhai, he pa i awhitia kite wara kohatu ma nga keeti anake ka uru ai ka puta ai ranei ki waho he pera me nga wara o Hiruharama me o Heriko ranei me o etahi atu pa ranei e korerotia nei i roto ite Karaipiture. Tena titiro tatou ki nga ritenga ote pa kite Hahi Tapu ote Atua. Me korero ake ko nga ahuatanga o te pa. Ite tuatahi ko tenei mea ko te pa he huihuinga no te tangata; ara ka oti ka huihui te tangata ki reira noho ai. Ko te putake i hui ai ki reira noho ai ko te wahi tera e au ai te noho me te moe ite ahuatanga ki nga hoa-riri. Ka hui nga tangata ki roto ite pa ka whakaritea he kai-tiaki mo te pa ara he heteri, ko o ratou kainga ko runga ko nga waara. He titiro tonu ta ratou mahi me kore he taua whakaeke. Ka kitea he taua ka whakamahara ratou kite hunga i roto itepa ka mahi kia mataara tonu kia kaua hei noho hu noaiho. Kaore noaiho he painga o taua pa kite kahore he heteri hei tiaki hei whakaohooho hoki i nga tangata o roto. Waihoki te Hahi ote Atua, he huihuinga no tana iwi whiriwhiri ara no te hunga Karaitiana. Ko roto ite Hahi te wahi eauai te noho mete moe, ko te wahi tera ote rangimarie. Kua tae katoa tatou kei reira inaianei o te wa ano o to tatou iriiringa ko taua wahi e korerotia ana i roto ite Karakia Iriiri ko te Aka he whakaritenga ki te Aka o Noa itewa ote waipuke. Otira kaore kau he painga o tatou kua tae nei ki taua pa mehemea kaore he kai-heteri i runga i nga wara hei tiaki ite pa. Tera hoki e haramai noa te hoariri ka huaki ite pa nowhea hoki e kaha ki te tu atu ite ohorere o te taua. Koia i whakaritea ai he minita hei kai-kauwhau hei heteri hei tiaki ite pa. Ko te whakaaro tuatahi tenei e homai ana e tenei mea e te pa ki a tatou ara kia mahara tatou kei roto tatou ite pa, he hoariri o tatou kei waho. Otira kahore kau he painga o tatou ki roto ite pa kite kore tatou e noho i runga ite ngakau mataara kite kore hoki e rongo kite reo o te kai whakaohooho. Tuarua o nga whakaaro e homai ana e tenei mea e te pa ki a tatou ko tenei ara, ko te pakangatanga o tetahi pakanga ki te pa. I reira ka kitea te toa oia wahanga oia wahanga o

te pa; i reira ka mohiotia nga ingoa o ia toa o ia toa o nga mea tonu i mate i te pakanga o nga mea ranei i tupono kite ora. Hei kona tatou ata kite ai mohio ai he korero to ia wahi to ia wahi o tana pa. Ka heke mai nga korero toa o tana pa hei mea whakakahakaha i nga whakatupuranga o muri iho hei whakarewa i nga toto i nga wa e karangatia ai he pakanga. Ko te kaha tenei ote Ingarihi e kaha nei i roto i enei ra. Ka puta he pakanga ka hoki whakamuri nga whakaaro o te Ingarihi ki ona toa o mua ka heke mai, ka noho ko nga korero o ana toa hei whakarewa i nga toto e kore ai e rua nga mahara mo te haere kite whawhai. He pera ano hoki te Hahi a te Atua he pa kua kitea ona toa tona tini tona mano nga mea kua hinga atu nga mea kei te ora inaianei. Mehemea pea e mohiotia ana o ratou korero e kore rawa e penei te heke ote whakapono inaianei. Ko te mate nui tenei o te Hahi onaianei he kore kaore e mohio ki nga korero o te hunga i hinga i roto i nga pakangatanga kia pumau ai te Hahi kite ao. Whakaaro ki nga Karaitiana i whakamatematea i te wa ko Roma te Kingitanga nui ote ao. Korerotia nga korero ote Hahi, hei kona koutou kite ai i nga toa huhua o te Hahi, hei kona hoki koutou mohio ai ki nga korero o mea toa o mea toa, o mea wahi ranei o te Hahi i tu tonu kaore i hinga i te hoariri. Ma konei e homai he wairua hou ki a tatou, he kaha hou e kaha ai tatou te hunga e whakaingoatia nei te ingoa o te Hahi ki runga ki a tatou i roto i enei ra.