TE PIHOPA HOU MO WAIAPU.

Kopara, Issue 5, 1 February 1914, Page 4

TE PIHOPA HOU MO WAIAPU.

KA 63 nga tau o Kanana Hetewiki; i whanau ia ki Fremantle, kei te taha whakararo o Ingarani. I kurangia ia ki tetahi o nga Kareti nui o Ingarani (Christ’s College, Cambridge). No te tau 1881 ka riro mai tona tohu matauranga ara B.A. No te tau 1882 ka whakapangia ia hei minita e te upoko o te Hahi o Ingarani, ara e te Akipihopa o Kanatapare, a i reira ano te pariha tuatahi i mahi ai ia ara i te Pihopatanga o Kanatapare. I te tau 1884 ka haere ia hei minita (chaplain) mo tetahi o nga manuao ote Kingi. Mo te pai o ana mahi i tenei turanga ka whakawhiwhia ia ki etahi tohu nunui e rua nga metara. Ite tau iBBS kite tau 1886 ka eke ia ki runga i tetahi manuao, ko te H.M.S. Whatitivi te ingoa. I muri iho i tena ka hoki ano ia ki uta mahi minita ai ara kite kainga ko Hockley Heath te ingoa. E toru ona tau i konei ite 1886 kite 1889. Ka mutu i kona ka whakawhiti ia ki Awherika. E toru ona tau i kona ka hoki ano ia ki Ingarani. Ite tau 1901 ka noho kai-karakia ia ki tetahi tangata rangatira, ara ki a Rore Home. Otira ite kaha o tona ngakau kia tae mai ia ki tenei Koroni, ka haere mai ia i taua tau ano ara igoi. Ko Waikari te pariha i mahi ai ia ite Pihopatanga o Kanatapere. I konei ia i tena tau kite tau 1903. Ko ia te minita o Akaroa kite tau 1904. I muri iho i tena ka noho ko ia te minita o Ruka Wharekarakia i Kanatapare. I tera tau ka whakaritea ia e te Pihopa o Kanatapere hei tangata mahi mihana haere i roto i tona Pihopatanga. Ko tana mahi tenei ka whakaingoatia nei ia hei Pihopa mo Waiapu. E kiia ana he tangata reka ia kite kauwhau, kaha hoki kite korero, he tangata tino ki ite Wairua Tapu. Ko tona kaha tenei; ahe tangata hoki ia e aro nui ana kite Iwi Maori. He te 18 o nga ra o tenei marama ka tae mai ia ki Nepia.