TE PIHOPATANGA O WAIAPU.

Kopara, Issue 1, 1 October 1913, Page 2

TE PIHOPATANGA O WAIAPU.

KEI te noho kore Pihopa tenei Pihopatanga inaianei i runga i te poroakitanga mai a te Pihopatanga o Akarana kia haere atu te Pihopa o konei hei Pihopa mo reira. Engari e kore a Pihopa Awarere e haere wawe kia kitea rano he tangata mo tona tunga. Ko te wha ano tenei o nga tau i tu Pihopa ai a Awerere mo tenei Pihopatanga ka poroakitia mai nei kia haere mo te Pihopatanga o Akarana, a nana noa ratou kaore e whakama ita ratou mahi. Mete onge tera te tangata i tahuri ke mai ai ratou kite patu ite Pihopatanga o Waiapu. Mehemea i kitea to ratou pukumahitanga, kite rapu i tetahi tangata tika hei Pihopa mo ratou a kore ana i kitea katahi ratou ka tahuri mai ai ka muru te Pihopa o Waiapu engari pea tena he ahua pai ano, e kore rawa e nui te amuamu o te ngakau. Tena ko tenei i hopu tonu ake ratou ko tenei mahi a ratou kua tae nei ki tona tutukitanga, ara kua whakaae a Pihopa Awerere ki ta ratou tono. Kore rawa te Pihopatanga o Akarana i whakaaro ake kite raruraru nui ipa ki tenei Pihopatanga ite wa e kimi Pihopa ana ratou mo ratou, e hara nei i te mahi no te ra kotahi, no te wiki kotahi, no te marama kotahi ranei, engari he mahi kotahi tino tau i pau i te kiminga i te rapunga ite whakaaroarotanga ite inoitanga. Na te pukumahi, pukuawhenua o Waiapu ka kitea tenei tangata i mohiotia ai he tino tangata he tino Pihopa. I reira tonu e noho mai ana kaore te Pihopatanga o Akarana i poroaki atu kia haere mai hei Pihopa mo ratou engari tau rawa atu ta ratou karanga

i Ingarani rano, i Poihakena rano. No te kitenga nei he tino tangata katahi ka hoki mai o ratou mahara, ka whakaaro kia riro ia ia ratou. He mahi tino kino tenei kite Pihopatanga o Waiapu. E tautokona ana tenei whakaaro o matou e etahi o nga Minita Maori o te Pihopatanga o Akarana. Ina noa ake nei ka tae mai te reta a Mutu Kapa tetahi o nga Minita o Waikato. I roto i nga korero o taua reta ana i mea ia, "he mahi tutua rawa tenei na te Pihopatanga o Akarana mete onge nei te tangata i roto i tenei Pihopatanga i etahi atu wahi ranei i kotiti ke ai kite muru ite Pihopa o Waiapu." E tika ana tenei korero a Mutu. Mehemea pea ko tetahi tangata ke noatu i tu nei hei Pihopa e kore pea, a Akarana e whai mai. Kati ra waiho mo Akarana te Pihopa pai, waiho a Waiapu kia kimi Pihopa ano mo ratou. Ka nui nga tangata o Akarana e tika ana hei Pihopa, tangata matau kaha hoki te whakapono. He aha ranei te take i kore ai e whakatungia hei Pihopa ; kaore: whai rawa mai ko to Waiapu Pihopa. "Haere" e ki ana ko whangowhango, " mou te Awatea moku te Po," ara ko koe e Akarana mo te ora ko au ko Waiapu mo te mate. Ka haere atu te Pihopa pai mou ka noho au ka rakuraku i taku mahunga ka haku a ko wai ka hua ko wai ka tohu e whiwhi ano au ki tetahi tangata pai moku i muri atu i tena, otira e whiwhi ano pea engari ko te huarahi he uaua inahoki ka hoki ano au ki taku ahua i au e kore Pihopa ana tuatahi ki taku pukumahi, ki taku whakaaroaro, ki taku nohopuku, ki taku mahi inoi me ta te wa e whakakite mai ai ki a au. He Inoi mo te wa kahore nei he Pihopa. E te Ariki, nau nei te ki ko koe hei hoa mo tau iwi i nga ra katoa a, te mutunga ra ano ote ao; Titiro atawhai mai inaianei ki tenei wahi o tau Hahi, tohutohungia hoki te Hinota o tenei Pihopatanga ite mea e anga ana kite whiriwhiri i tetahi hei hepara mo tenei wahi o tau kahui, kia whiriwhiria ai ko tau e pai ai, he hepara pono e kakama tonu ana kite kauwhau i te Rongo-pai, kite tautoko i te mea ngoikore, kite whakamarie ite ngakau iro, kite rapu ite mea ngaro, kite whangai iau tangata kite kai ite wa e tika ai. Whakarongo mai ki a matou, E te Ariki, E Ihu, e ora na e kingi tahi name te Matua, mete Wairua Tapu, a ake ake. Amine.