HE WHAKAPANA MINITA.

Kopara, Issue 1, 1 October 1913, Page 3

HE WHAKAPANA MINITA.

TENEI etahi kupu mau e Te Kopava e mau haere ki nga takiwa katoa e tau atu ai koe. Ahakoa koe he manu iti, otira e rere ana koe i runga i nga rakau ataahua,

teitei hoki noho mai ai. No reira kawea atu e koe enei kupu ka whakahaerea ake nei, kite iwi Maori e mau nei nga whakaaro ki tenei o nga taonga a o ratou tipuna, ara kite whakapono. Ko tenei taonga ka tata kite kotahi rau tau ki a tatou inaianei. No te 25 o Tihema 1814 ka rongo tuatahi taua te Maori i te rongo Pai o Ihu Karaiti, ara, na Rev. Hamiora Matenga i kawe mai, koia te apotoro tuatahi 0 te Hahi o Ingarani. No reira rere atu koe me enei kupu hei maramatanga ano hoki mo te hunga kuare, hei mohiotanga mai ano hoki mo o tatou whanaunga katoa, ahakoa rangimarie, puhaehae ranei te ahua otira mau ratou katoa e whakamarie, e whakaako. Ko te 21 o nga ra o Hepetema ka huri ake nei, he tino ra nui tenei. Tuatahi, no te mea he Ratapu; tuarua, no te mea ko te ra o te Apotoro o Matiu e whakamaharatia nei e te Hahi; tuatoru, no te mea no tenei ra etahi tangata i motuhia ai hei minita, hei kaihautu mo te Hahi aTe Atua. No reira e Te Kopava enei take, he take nunui katoa, taimaha hoki, a no te mea he manu pakari, toa hoki koe kahore he awangawanga o te ngakau. Ko tenei whakapa i whakahaerea e te Pihopa o Waiapu (Dr. Averill) ki roto i te Whare Karakia ataahua o Manutuke, Turanga, e huaina nei tona ingoa ko Te Tokotoru Tapu. Nui atu te tumanako o nga iwi o Turanga nei ki tu taua mahi tapu ki waenganui i a ratou, no reira tuku ana ratou i ta ratou tono kite kaumatua, ara kite Pihopa kia whakaaetia mai to ratou hiahia a whakaaetia ana. Ka pai tenei whakaaro o koutou e te iwi, manaakitia te taonga ataahua, te taonga kai ngakau a o koutou matua, tupuna. He tino ra ataahua pai whakaharahara taua ra. He tokomaha hoki nga tangata i hui mai, tona tokomaha o te iwi pakeha mete iwi Maori. I neke atu te tokomaha ite 200 tangata. He tohu nui, he tohu pai tenei, ara kahore he rereketanga ote Maori, ote pakeha kite karakia kite Atua ki a Ihowa o nga mano. No te 9 o nga haora i timata ai te karakia ata, tokomaha atu nga tangata i tae mai ki taua karakia tuatahi. Ka whakatata kite 10 o nga haora katahi ano ka kitea te nui o te tangata, ka timata hoki te karakia whakapa. He nui te whakamihi o te ngakau mo te ahua o te tangata i taua karakia, ara tenei te ngakau hopohopo, te wehi, te tapu o taua karakia ataahua ate Hahi. He tino tohu oranga ngakau tenei, ara te mahara iho o te tangata kia tino whakatapua a tatou karakia katoa, penei mete whakaminenga i hui mai nei ki tenei karakia. He mea timata te karakia kite Himene 182. 1 tenei wa ka uru mai te hunga mo te whakapa, hui atu ki nga Minita awhina, mete Pihopa. Ko nga tangata mo te

whakapa mo te turanga rikona, ko Patihana Kokiri (Te Arawa), ko Ereatara Eruini (Te Arawa); a, mo te turanga piriti, ko Rev. Wiremu Waaka (Te Arawa), kei Taupo e mahi ana, ko Rev. Rewi Wikiriwhi (Te Arawa), kei Rotorua e mahi ana, me Rev. Manihera Tumatahi (Te Arawa), kei Whakatane e mahi ana. A ko nga rainita awhina, ko te Atirikona Hapata Wiremu, ko Rev, F. W. Chatterton (te Kaumatua o Te Rau Kareti), ko Rev. F. Peneti, ko Rev. Wi Paraire Rangihuna, me Rev. Ahipene Rangi (minita o te Pariha). Na te Atirikona nga tangata mo te whakapa i kawe kite aroaro ote Pihopa. Ko te kauwhau na Rev. F. Peneti o Rotorua, i whakahaere. He mea whakakaupapa ana kupu ki runga i te Rongo Pai i whakaritea mo te karakia whakapa, ara kei a Ruka xii. 35-38. Ko te ahuatanga o ana kupu he kupu tohutohu, whakakaha i te hunga i motuhia, he inoi hoki kite whakaminenga kia kaha ratou, kite tautoko, kite hapai, kite hiahia i tenei taonga nui, ara ite whakapono ote ngakau, 0 te hinengaro ki aTe Karaiti. E tumanako ana o matou ngakau kahore i takoto noa nga kupu a Peneti, engari kei te whiriwhiri te ngakau o tena tangata, wahine, tamaiti hoki i hui ki taua karakia. Whakaaroa ete iwi enei kupu, a whakaputaia nga hua i runga i nga mahi pai. Ka mutu tenei kauwhau, ka tae kite wa tonu mo te whakapa, tuatahi tonu ko nga Rikona, muri iho ko nga Piriti. Ka tutuki tenei wahanga o te Karakia, ka whakatakotoria te Hapa aTe Ariki, ete Pihopa. I neke atu ite 50 nga tangata 1 pa, ara Maori, pakeha hoki. Ka mutu tenei karakia ataahua ka poroakina nga manuhiri ete tangata whenua kia haere kite marae, a pai atu ano hoki tera mahi, ara te whakarite ite taha kite tinana. Muri iho ka powhiritia nga tangata i whakapakia, nga kaumatua me nga tangata oTe Rau Kareti, me Rev. F. Peneti. Nga tangata i tu mai ko Pita te Hau, ko Rawiri Karaha, ko Takuta Wi Repa me etahi atu, a ko Rev. Peneti me nga tangata i whakapangia itu atu kite whakahoki. No reira ka mutu nei nga kupu mo tenei mahi a tatou ate Hahi. He nui te whakawhetai kite Atua mo te pai o nga whakahaere o tenei ra, mete inoi tonu ote ngakau kia whakaaro tino nui tatou te iwi kite taonga ataahua nei, ara kite whakapono.