KI TE IWI.

Kopara, Issue 1, 1 October 1913, Page 1

KI TE IWI.

EHOA MA, TENA KOUTOU. He tangi atu tena, he maimai aroha Id ta koutou manu, kite Pipiwharauroa, ka mutu nei tona hokihoki kite toro mai i nga wahi katoa o Aotearoa nei, o Te Waipounamu, o Rangiura, o Wharekauri. Ka maha nei ona tau i rere mai ai i tona whenua tawhiti mete puta tonu o tana karanga, " Kui, hut, hit, whiti, whitiova." Te tikanga o taua reo ona ko nga mea i kohia mai e ia i tawhiti e mauria mai ana ki enei motu tahorohoro ai kite aroaro o te tokomaha. Kotahi rawa tona mate, he mate-kai; he mahara-kore no te hunga e manawareka ana ki nga taonga i tuwhaina nei e ia. He hunga tokoouou ano ia i manaaki i a ia, i pera mete mahi a tera manu iti, a te riroriro, e whakaputa nei i te aroha kite manu mai o tawhiti, i awhi nei i ona hua, e whakatupu ake nei i ana tamariki. Kua kore nei tera o a koutou manu e torotoro i a koutou, ko ahau tenei, ko Te Kopara, i ngaro i Aotearoa nei i etahi o nga tau kua pahure ake nei, kua hoki inaianei ki nga motu ngahere i taka ai i mua, mete hiahia ano kite kawe korero ki nga wahi katoa. " Mate atu he tetekura, whakaete mai he tetekura." Otira ma koutou e manaaki mai. Tena hoki ta mua ki, " Whakaanewanewa marie ana he kai, ka mate te wairua."

Tera pea koutou e hakn kite iti o taku rourou, mete mea ko "te rourou iti a Haere." Otira he hinu anake te kai o taku rourou. Ta mua ki moku, " Kai takirikiri ana i runga ite kahikatea." Nga hua pakari riro ana i ahau. Nga mea hangahanga noa, tukua kia ngahoro atu. Tetahi ki ano a mua, " Ruia taitea, kia tu ko taikaka anake." Ko te tini noa atu o nga korero hangahanga noa me rapu atu ano ki etahi wahi. Aku e kohi ai ki taku rourou, ko nga mea pakari, ko nga mea e tupu pai ai te tangata i runga i te whakaaro ki te Atua e whakawhiwhi nei i a tatou ki nga mea katoa e ora ai te wairua mete tinana. Na TE KOPARA.