Untitled

Waka Maori, Volume III, Issue 69, 3 February 1866, Page 70

Manawatu, Pepuere 2, 1866. Ki a te Makarini, Hupariteneti,— Tena koe. He korero ta matou ki a koe mo to matou whenua kei Manawatu nei; me whakaatuatu e matou nga rohe kia mohio ai koe, kia taia hoki kite Waka Maori. Ka timata i te Maire e ahu ana ki runga o Tararua; te Maire rere tonu Otauru, Opapa, te Iwiomoa, te Eweowhanake, Paewhakamarumaru, Aputati, Otuahu, ka eke kite hiwi o Tararua, ka heke ki roto o Mangaohao. ka rere whakararo ka tae kite huarahi o Arawaru, ka piki anc ki Tararua, e hoki ana ki Manawatu ka tae ki Arawaru. ka tutaki kite rohe ote whenua i hokona e te Hirawanu ki a te Kuini, ka rere i runga i te rohe a te Kuini ka puta ki Mangawharawhara, rere tonu ki roto o Makurerua, Ngapukaru, Hingatiraha, ka rere i roto o Manawatu, te Mau, Parikawau, te Kopiro Titiuwa, Mangamahoe, te Papa-

rewa, Hikaretu, Tokomaru, ka tutaki ano kite Maire. Ko nga ingoa o nga maunga nunui kei roto i enei robe ko te Whakaangiangi, ko Tihipakirakira, ko Kaihinu, ko Taumata Wharawhara, Taumata Houhou, ko te Powhatu, ko Maungarake, ko te . Paki, ko Tahamaro. Ko tenei whenua ka u tonu ta matou pupuru ; kaore matou e pai kia peke pokanoa mai tetehi tangata kite hoko. Kia mohio tuturu mai koe, ko nga tangata e tohe ana kite hoko i roto i tenei rohe ko Huru te Hiaro, ko te Warena Mahuri, no Rangitane raua; ko Hona te Purangi, no Ngatiraukawa tera. Kite puta atu enei tangata ki kona, ara ki a koe tono moni ai hei utu mo tetehi wahi iti nei o roto i tenei rohe, kia tupato koe kauaka e homai. Mehemea ka homai e koe tetehi pauna, hereni ranei, ki a ratou ka waiho tena hei putake kino, raruraru, ki a matou. Kei ki koe kaore i whakaaturia ki a koe te kino. Kei hoko koe i tenei whenua—ka kino. Ileoti ano. Na Hore Kerei te Waharoa, Takerei te Nawe, Neri Puratahi, Arapere Tukuwharc, Epiha te Rimunui, Nerehana te Whare, Te Aomarere te Puna, Te Moroati Kiharoa, Hoani te Puna, Henare te Herekau, Paramena Pfhitane, Te Mira te Tuhera, Kirihipu te Poa, Te Kereama, Arapata Whanga, Iharaira Pikitia, Te Teira Ngapawa, Hakopa te Urau, Te Waka Tukuwhare, Arama Haereora, HopaTahaia, Paneta Haereora, Karauria Karangapa, Hira te Rua, Nopera te .Herekau, "Wirihana te Ahuta, Taipo, Akatohe Tututahi, Kemara Tamahika. Patangata, Hanuere 23, 1866. Ki a te Kupa, E hoa tenakoe. E hoa tenei te panuitanga o ta tatou whakawa ka kite iho au. E pai ana hei whakatupato mo etahi tangata atu kei te ao e noho ponaana ana. Engari e hoa kotahi te kupu e kakaritia atu e au, ko tenei kupu e ki nei koutou no to matou korenga e wawao. E hoa kaore e pai te wawao ta te mea kua oti noa atu te wawao i te Atua te hanga; e mea nei hoki te kupu o te Karaipiture, "ko te tangata e patu ana i tona hoa, kia tu wehi kite whakawa." Tae hoki ko te tangata kite hanga i tetahi ture hei whakawehiwehi i te tangata hara—ana kei hea kia wehi? Ko ta te Atua ko ta te Ture i kore ai e rongo, hei taku rongo ai ? E kore. Ta te mea kua korerotia te korero pai e nga kai hapai o te ture i nga taima katoa hei whakatupato

kia tupato ai kei taka kite hara; aka hihiri ia kite tohe kite hara kowai e hihiri atu kite wawao. Ta te mea hoki he tangata hapai ture taua tangata a Renata. Mahara ai au ko ia hei kawe i au ki nga whakawa. Na Rapata Tiaki. [E pai ana ra o korero e Papata mo nga Ture o te Atua, o te tangata hoki, hei hapai l te pai. Otira ka kore e rongo te tangata kino i aua ture, ma te tangata e whakarongo ana e tiki atu e herehere, kia pai ai te noho ote katoa. Ki tau ritenga me noho kau koe ka matakitaki atu kite tangata hara kore e patua ana e te tangata hara, a ekore ano koe e rere atu kite whakaora! Katahi te ritenga he ! Mehemea i pena te -whakaaro o nga tangata katoa ekore koe e noho tika i to kainga; ekore e waiho mau e kai nga kai o to maara; ekore e ora roa i te ao te tangata ata noho —ko te tangata kino anake e noho vangatira. Mehemea i mate rawa taua wahine i a Renata te patu ka pehea koe ? Akuanei ra koe te rite tonu ki a ia te kohuru—ta te mea i matakitaki kau atu koe, mete mea e matakitia ana tetahi main ahuaveka. Ko to te Ture tenei.] Nepia, Pepuere 6, 1866. Ki a te Makarixi, — Kia rongo raai koe ki taku kupu e pa. He kupu a Ema ki a koe, e tika ana. Ko te putanga hoki tena ko taua wahine o runga ake i a matou kite tupuna wahine ki a E Poa. E tika ana puta noa ki runga o Whanganui, puta noa ki tai, huri noa ki Waitotara, Patea, Waingongoro, ka puni. Koi ki koe no Ngatiraukawa ia; no Whanganui—ko tena wahine he rangatira no matou. Kite tare moni ki a koe me hoatu e koe mana tetahi moni ; ta te mea kai te kai mai te iwi i runga i te vvhenua, ko taua wahine kaore ano kia mau i tetahi moni mana—engari, kite ki mai ra ki a koe, me hoatu e koe. Tenei ano nga kai whakarongo o taku korero—ko Karaitiana raua ko Henare. Na to hoa aroha, Na Kawana Paipai. [Tena kua tukuna atu te reta a Kawana Paipai ki a te Petitone ki Po Neke—mana e rapu he ritenga.] Eparaima, Pepuere, 1866* Ki a te kai tuhi o te Waka Maori, — E hoa me tuhi atu enei kupu aku kite reo maori, kite reo pakeha. Kanui toku mate inaianei i te pakeha o te Pereti i Eparaima. Kua wera toku ngaherehere i te ahi; ka rua marama eka ana ite ahi, pau katoa nga totara, nga kahika, nga matai. E mea ana au kia utua ki au te kinonga o toku whenua i te ahi a taua pakeha, a Maero. Na Paora Ropiha.