Tena pea koutou kai te mahara kite korero mo te riri i Amerika (e whakahuatia ana ko Merikena) i tera nuipepa o te tahi o Oketopa i tera tau, i te tau 1864. I korero ra matou i reira kite wehewehenga o taua iwi, te tahuritanga o tetahi taha o ratou ki to niton Kawanatanga whawhai ai; he mea hoki kia tu he Kawanatanga ke mo ratou mo te hunga e riri ana, kia motu. ke ratou i te tino Kawanatanga—kia rua Kawanatanga i taua whenua. Kua maha nga tau e riri ana taua whenua i tana riri. Ehara i te riri patai. Kaore ano he whenua i pera te nui o te tangata e mate ana i roto i te riri me tenei e korero nei matou ; takirua te kau mano o te tangata e mate ana i te parekura kotahi i tena wiki, i tena wild—i tenamarama, i tena marama. Na, i te riri kino tonu ano taua whenua i tenei tau kua hori nei taea noatia raai tenei takiwa ; kua mano tini te tangata kua mate. No naianei kua tae mai te rongo i te Meera mai o Ingarani kua mutu taua riri; kua mate tera i tutu nei, kua riro te kaha i te tino Kawanatanga o taua whenua. Nga
taone nui o te hunga kua mate riro anake i te Kawanatanga, ko etahi pau ake i te ahi; ko nga taoga, ko nga kaipuke, ko nga aha noa, riro anake i te Kawanatanga. lie whenua whakatupu katene (whatu kahu nei) taua whenua; whawhao ai ki ro peeke mete huruhuru hipi ito tatou kainga te ahua nei. Na, he mano tini aua peeke kua pau i te ahi i te horonga o nga taone, he mano tini hold i ora, riro tonu i te hunga i kaha. Engari ko etahi kaipuke o te taha i mate kai te rere ano ite moana inaianei ano; ki te kitea apopo ake nei e nga puke o tetahi taha ka mauria ano hei kaipuke ma ratou. Ehara i te kaha kore i mate ai te taha i mate ; engari he kore tangata, he kore kai, he kore aha atu —kua he i te inaha o nga tau e rid ana. Engari ko tetahi taha, te taha o te tino Kawanatanga, he nui te tangata, he nui te kai, he nui te ora. E kore e taca e te ngakau te whakaaro, nga mano tangata kua mate i te pito timatanga o te riri tae mai ki tenei takiwa—he mano hoki nga parekurai uta, iwaho hoki i te moana. Engari i enei riringa i inuri rawa nei, riro ana i nga hoia o te tino Kawanatanga nga herehere kotahi te kau ma riaja mano o tenei ka mate nei. Muri iho ka muia tonutia e nga taua rcaha; • katahi ka riri, riri atu, riri mai, nawai ra ka mohio ratou he mate tenei, katahi ka wlnkamutua te riri ka tukua mai a ratou pu nui, me a ratou pu maori, me a ratou tinana, kite Kawanatanga—e rua te kau ma rima mano ratou i riro herehere, muri iho ka tukuna ano kia hokihoki ki o ratou kainga. Tera atu ano etahi wahi o taua whenua kai te tohe tonu, kai te riri tonu ; otira ekore e roa te mate ai, kua riro hoki te nuinga o ana tangata —he whakahemonga no tona kaha tenei e tohe nei. Heoi, ka whakatupu ano taua iwi apopo ake hei iwi kotahi ano i raro i te mana o te Kawanatanga kotahi—ara, o te Kawanatanga tawhito. Inaianei e korerotia ana tera e tae nga hoia o taua Kawanatanga ki te rua ran mano, he toa anake, he mohio anake kite riri. Kowai hua e noho pai ratou apopo ake nei ? Kua tauhou hoki ki nga main maori, kua ahuareka ki tona mahi riri. Tera pea e tahuri ki etahi whenua e tata ana ki aia riri ai. Kite pera ia, katahi rawa ia ka raru—ka hui hoki etahi iwi kaha ote ao kite patu.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/WAKAM18650729.2.4
Bibliographic details
Ngā taipitopito pukapuka
Waka Maori, Volume III, Issue 56, 29 July 1865, Page 9
Word count
Tapeke kupu
670Untitled Waka Maori, Volume III, Issue 56, 29 July 1865, Page 9
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in