Untitled

Waka Maori, Volume III, Issue 56, 29 July 1865, Page 9

Ko nga rongo mai o Waiapu he rongo riri. Kua hinga ano nga parekura i muri mai nei. Erua nga ra i whawhai ai. I te 17, i te 18 hoki, o nga la o tenei marama ano ka whakaekea te pa o te iMokena ratou kouga hoia pakeha e te Hau Hau. Kokiritia ana e te pakeha raua ko o ratou hoa maori, ka whati te Hau Hau; hinga iho o te Hau Haute kau ma iwa, mate rawa—he tokomaha nga raea i tu a kiko. Ko nga mea i mate o te taha Kawanatanga kotahi te maori i mate rawa, tokorua nga mea i tu a kiko. Toko toru hoki nga pakuha i tu a kiko—pai noaiho. Kotahi te poropiti o te Hau Hau me nga tangata tokotoru no Taranaki mai i mate rawa i taua riri ano. Ko Patara me tona wahine, me o raua hoa tokowha, i oma ki Raukokore, ki Opotiki ranei. Ka nui te rawe o te mahi o te hoia ratou ko o ratou hoa maori; ka hui tarawa nei riri, ma te aha e whai! Katahi ka kitea e te Hau Hau kaore ratou e taea te whakaora e to ratou atua parau i roto i te riri. Heoi, katahi ka anga ka korero parau he tokomaha o te taha Kawauatanga kua mate i a ratou. Ko ta ratou tikanga ia he huna i o ratou mea e mate ana. Kaore, ki te taha Kawanatanga kaore he hunanga, kaore hoki he matakutanga. No te timatanga o te riri ki Waiapu tae noa mai ki tenei riri o muri nei e rima te kau ma whitu o te Hau Hau i mate rawa. No te taha Kawanatanga te kau ma rima i mate. Kotahi to te Hau Hau i mate, he nui nga mea i tu a kiko, na te mata o te pu repo o runga o te tiraa manuwao o te Ikiripi i puhia ki roto ki to ratou pa ki Pukerimu. Ko taua tu mata ka rere atu i roto i te pu ka tae ki tona wahi ano i whakaaro ai nga kai pupuhi kia paku, a, ka paku—ka mate te tangata i te maramara, i nga mea hoki o roto o taua mata. Ko Iharaira te Hokomau me ona tanga-

ta kotahi rau no te Kawanatanga anake. Ko Raniera me ona tangata e 200 o Tuparoa no te Kawanatanga ano. Kotahi rau e whitu te kau nga tangata o te Mokena kei Waiapu. E whitu te kau hoki nga tangata o te Kawanatanga kei te Mawhai. Kna rongo hoki raatou ko Arapeta, tuakana o Henare Potae, no te Kingi maori i mua, inaianei kua rere mai kite Kawanatanga. Ko nga maori o te Kawanatanga kua oti te whakawhiwhi kite pu, ki-te paura inaianei. Ko nga kainga katoa i taea ai a te Makarini kanui te whakamihi a nga tangata maori ki a ia; ara, kite « hakakite, kite whakaara waewae. Ko Ngatiporou me era atu iwi i \vhakarongo ki nga korero a Patara, i tuku hoki i o ratou tinana kia arahina e ia kite mate, ka nui to ratou kuare. Rite tonu to ratou kino ki to nga kai kohuru i a te Wakana i Opotiki; ara, ki to ratou tukunga i tana tangata kino hei kai arahi i a ratou. Takahia ana e ratou nga Ture o te Atua Pono, o te tangata hoki. Ko a ratou mahi ko nga mahi a Hatana, e haere noa ana e whakawai ana i te tangata kia mate. Ahea rawa ra mutu ai te whakamana a enei iwi ki nga mahi porangi o Taranaki ? No inaianei nga tangata o Ngatiporou i kuare rawa atu ai kite karanga i a Patara kia haere mai ki o ratou kainga—a, tona tukunga iho he mate ki a ratou. Ko nga tangata o Taranaki i mate nei i te pakeha ki o ratou wahi ano e haere nei ki nga iwi o te motu nei whakakino ai kia rite tahi te mate ki to ratou.