WAIRARAPA.

Waka Maori, Volume II, Issue 31, 6 August 1864, Page 1

WAIRARAPA.

Kua tangohia e Ngaitahu, me etahi hapu atu e whai wahi ana ki Wainuioru i Wairarapa, nga pauna moni 800 hei Whakaotinga rawatanga mo taua wahi—na te Kupa i whakarite inanoa nei. Heoi, kua rite anake tenei nga raruraru whenua o tera kainga o Wairarapa; e takoto marama ana teaei.

He pukapuka enei na nga tangata o te Wairoa, o Mohaka, ki a te Whitimoa ; he hiahia no ratou kia uru ratou ki roto ki uga tikanga o te Kuini, kia waiho ratou hei tangata mo te Kuini, ake, ake. Kia te Whitimoa. E to matou boa aroba, e te Whitimoa. Ko matou, ko nga tangata kua tuhia nei o matou ingoa kei raro, e mea atu aaa ki a koe kia whakanohoia matou e korua ko te Kawana hei hoia mo tenei tiriwa o Haaki Pei—kia whakaturia matou e korua hei ropu hoia mo konei, hei tiaki mo matou, me o matou hoa pakeha e noho ana i roto i a matou. E mea atu ana matou kia tukua mai he pu, he paura, kia kaha ai o matou ringaringa kite hapai ite ingoa ote Kawanatanga. Kite mea ka whakaaetia ta matou tangi ki a koe, era tonu matou e oati pono ki a Kuini Wikitoria ; ka mahi ano hoki matou i nga mahi katoa o te Kawanatanga. Engari ma matou ano e kimi tetahi pakeha e whakapaingia ai e matou hei Apiha; ma te Kavvana ano e homai i etahi—kia pena ano me te inahinga o te Kawanatanga ki nga tangata o te Arawa. No te hapu a Paora te Apatu tena pukapuka. Ko nga ingoa i tuhia ki raro kotahi rau e rua te kau ma whitu.

Kl A TE WHITIMOA. Eto matou hoa aroha, e te Whitimoa. Ko matou, ko nga tangata, kua tuhia nei o matou ingoa kei raro, e mea atu ana kia whakarongona ta matou ki, na ; —" Eki tuturu ana matou hei tangata pono matou mo te Kuini; e noho tonu matou ki raro i ona Ture ake, ake—a, e whakarongo tonu matou ki nga whakahau tika katoa o ana Kai wbakawa me era atu tangata e whai mana ana i raro i a te Kuini." Tuhituhia e koe a matou pukapuka ki a te Kawanatanga ki Akarana, kia mohio ai ratou kua uru katoa matou ki runga ki to tikanga pakeha ; ara, kite taha Kuini. No Ngatikurupakiaka tena pukapuka. Nga ingoa o nga tangata i fcuhia ki raro e whitu te kau ma whitu.

Kl A TE "WHITIMOA. Ko matou ; ko nga tangata o Mohaka, e mea ana kia uru matou ki roto kite pukapuka o nga tangata ote Wairoa ; ara, kite pukapuka ki a korua ko te Kawana—na te mea kua whakakotahitia e matou o matou whakaaro ki nga whakaaro o nga tangata ote Wairoa. No mua hoki to matou kotahitanga, a, tae noa mai ki tenei takiwa. Katahi ta matou ki kei a koe anake; ara, kei te tomo matou ki roto kite maru ote Kuini. Ka huri tena. Ko ta matou whakaaro koia tenei, —kia whakanohoia matou, nga ingoa kua tuhia ki raro iho nei, hei hoia mo tenei tiriwa o Haaki Pei. hei tiaki mo a matou nei taonga; ara, mo a matou pake ha—mo matou ano hoki. Kia homai e koe be pu, he paura, he tingara, he rnata boki; ki a matou kia kaha ai o matou ringa kite hapai ite ingoa ote Kawanatanga. Kite whakaaetia mai e koe to matou aroha, e korua ko te Kawanatanga, ka oati pono matou ki a Kuini Wikitoria, Na ka whakahangaitia atu eauki a Kawana. Ka pena au mete wahine e oati pono ana ki tana tane—ka marena taua i a taua, me ta taua noho, ake, ake. Ka mahi ano matou i nga mahi ote Kawana ; ka haere i runga i te ture kotahi. Engari ma matou ano e kimi atu i tetahi pakeha hei ako i a matou. No Mohaka tena pukapuka, no Ngatipahauwera. Nga ingoa i tuhituhia ki raro iho kotahi rau e rua te kan ma rua. Ko te whakahokinga tenei a te Whitimoa ki nga tangata o te Wairoa, kei raro iho nei, ara ;

Te Wairoa Hune 29 LBG4. Ki a Paora te Apatu, ki a Pitiera Kopu, ki era atu o aku hoamaori o te taha Kuini o te Wairoa. Kei te whakapai atu au ki a koutou pukapuka aroha. Maku hoki e tuku atu ki a Kawana ; maku hoki e whakakaha atu kia whakaaetia mai e ia. E hoa ma kia mahara tatou, kei waiho tetahi take e tatou hei kinga ma te hoa kakari na tatou i vvhakaoho ratou kite riri. Kati me ata tatari tatou kia tae mai te utu a Kawana. Otira kite pa he patu na tetahi tangata ngakau kino; tetahi kia hangai ranei, ka timata te riri—ka hoatu tonu i reira e au he pu, he paura hoki, hei pa mo o koutou tiuana, me o koutou rawa, me a koutou pakeha hoki. Ka mutn. Naku na to koutou hoa aroha. NA TIS "VYhitimoa, Tumuaki Eunanga.