KAWHIA.

Maori Messenger : Te Karere Maori, Volume 4, Issue 6, 2 June 1845, Page 23

KAWHIA.

I to matou Nuipepa mo Hepetema, 1844 i taia nga kupu whakapae a Te Rihata, ki nga tangata o Kawhia mo ta ratou puhanga i ona kau—otira kua tae mai tetahi pukapuka na te Waitere ratou ko nga pakeha o reira, kite whakahe i taua whakapaenga ; he horihori noa iho te ki a Rihata e ai ta taua pukapuka; engari te mahi o ona kau ki nga mara a nga tangata maori, e tika ana, he maha ke hoki nga wahanga o a ratou taiepa, me nga takahanga o a ratou kai, kihai aua rangatira o Kawhia, i anga atu ki nga kau oTe Rihata: otiia, i whakamanawanui pu ratou ki a ratou kai. Koia matou i whakaaro ai, kia whakakahoretia nga kupu, taia ki roto i tera Nuipepa, ara ite Nuipepa mo Hepitema, kei waiho te whakapaenga o Rihata, kia piri tonu ki nga tangata hara k6re. Na te mea, i maha ke a matou mahi, a he nui nga raruraru; koia te taiaai i nanahi r.i-u ra.

Akarana, Hune 2, 1845. E koro, etc kai-tuhituhi o te Nupepa. Tena koe. Ka mihi atu au ki a koe, kite tangata e tuhituhi ana i nga tikanga, kia rango ai te tokomaha. Whakarongo mai ki taku kupu; I tenei ra, i tenei ra, e mea ana te tokomaha o te tangata maori, e tika ana te mahi a Heke, no te mea, he leara tango te kara o Ingarangi a ekore e wheau, ka whakaraua katoatia nga tangata maori; a, ka peratia ratou me nga mangumangu o Hopataune, o Poahakena, me etahi atu kainga. E koro, e! E kore ahau e whakapono ki tenei mea e korerotia e te tokomaha : ekore" au e mea, ka whakaraua te tangatamaori; ekore ano hoki ahau e mea, ka peratia ratou me nga tangata o Poahakena, me Hopataune; ae, ekoro, ekore au e whakarongo ki ena mea tekateka; no tc mea hoki, ka toru te kau o nga tau i nohoia aienei Motu e te pakeha, kahore ano tetahi pokonga a ratou, tae noa mai te Kawana, me ona hoa; ko taua ahua tonu mau noa nei i tenei ra e nohoia nei e taua ; kahore ano tetahi wahi whenua i tangohia noatia e te pakeha; me hoko ano ka riro mai; ahakoa, nohinohi te wahi e hiahiatia ana e te pakeha, me utu marie ano taua wahi ka riro mai. Na, ko te kara, ekoro—ekore ahau e wehi ki tena; otira, he whakahari tena maku,no te mea, he kai tiaki tera i enei motu. Ka iri tera kara, ekore e tata mai te Marekena, Te Wiwi, ia iwi, ia iwi, kite tutu, kite whawhai, kite tangata maori; kite tango ranei i au ratou kainga: otira, ka whakahonore ratou i te tangata maori, no te mea, e noho ana i raro i te taumarumarunga o te kara o Te Kuini, a Wikitoria te rangatira nui o Ingarangi. Na! tenei ano tenei kupu aku—ko Keke e whawhai mai ra,—e whawhai Jcuare whakaharahara; e araia ana ona kanohi e te purorohu o te mate: me he mea, i puta ta Heke whakaaro, ara ta Kawiti ra, a lea

poto te pakeha e noho ana i enei motu, ka pehea ra tana wahi ki nga mano waioio, e utaina mai i tawahi ? Aue! e rahi tana tangihanga! e rahi te rirongo o ana kainga i reira! a, e rahi te whakataurekarekatansa o te kai aru i ona tikanga he ! Ko oku whakaaro enei e te kai tuhituhi kei riri mai koe ki au mo tenei tuhinga, na, kite mea e pai ana koe ki enei whakaaro rere noa o roto o te ngakau, taia ki tou Nuipepa ngakupu pono rawa. A tou tama rapu tikanga, A Kameriera, Piri-ki-te-kara.