KO TE TAHI ATU WAHI 0 NGA "TUPUNA 0 INGARANGI."

Maori Messenger : Te Karere Maori, Volume 2, Issue 5, 1 May 1843, Page 18

KO TE TAHI ATU WAHI 0 NGA "TUPUNA 0 INGARANGI."

Na, ka noho nga Hakoni ki Ingarangi; a, roa rawa iho na ka whakaekea mai ratou e nga Rani. He iwi tena no raro atu o Hakoni, i te taha o te moana, he iwi whakatere kaipuke, he maia rawa kite ngangare. A, to ratou rongonga kite pai o Ingarangi, na, rere mai ana ratou i runga i o ratou kaipuke. No te SSO o nga tau o muri iho i a te Karaiti taua iwi i whakaeke nui mai ai i Ingarangi. Rokohanga mai ko Etereri te tuakana o Arapere te kingi o Ingarangi. I te pito whakaekenga mai i mate ratou, a mate ana to ratou tangata nui a Jtakanara; a ka roiigo ana tamariki, na, tetinohaerenga mai kite takitaki i tona mate. Tae rawa mai kua wehewehe nga rangatira o nga Hakoni. Na kihai i huihuia a ratou whakaaro, a rlri tautauamoa ana tena iwi, tena iwi. Na, ka mate ratou i nga Rani. A, noho ana nga Rani i Ingarangi. Na wai a, ka mate a Etereri te kingi o nga Hakoni, a, riro mai ana te kingitanga i tona teina i a Arapere. Otiia e koni mai ana tena nga Rani, a, kihai i kaha a Arapere i a ratou, Na ho mai ana e ia he moni kia ratou kia hoki atu ratou ki to ratou kainga. Te rironga mai o te moni, tahuri tonu mai ratou kite whawhai ki a ia; a huakina potia ana ia e ratou. Na mate noa iho a Arapere: a whati ana ia ki nga nehenehe, ki nga repo, kuhu ai. Otiia he maia rawa a Arapere, he mohio hoki kite whakaaro. Na ka haere mai ia ki tetahi motutere i te

huinga mai o nga awa e rua, ki te whare o te tahi kai tiaki hipi, mete whakaaroaro kite pehea ranei, kite pehea ranei, e ora ai tona iwi i nga Rani, A noho noa iho ia i reira. I moehewa hoki te bepara : hua noa no nga tautangata noa atu. Na, ka akiakina a Arapere e tana ruruhi ki te tunu taro, kite aha, kite aha : whakarongo kau a Arapere. Otiia kihai i tika tana tunu ote taro. I poto hoki ana whakaaro i tona tuateatanga mo tona iwi, i mate nei i nga Rani. A whakatupehupehu noa iho te hoa ote hepara ki a ia. "He inati te tangata nei! Ha! poauau! He aha koe te whakaaro ai ki to mahi ? wera noa iho nga taro ia koe ; heoti." Ka taea te huhi o te tangata, na, ka mate te tara, ka hua hoki te mahara. Ka tahi ka tika te whakahaere a Arapere, ki ona hoa; a aroha mai ana ratou ki a ia. Na tikina ana e ia, a, tawhiua mai ana e tahi tangata ki taua motutere, a, hanga ana e ratou ta ratou pa ki reira. Na ka tahuri ratou kite whawhai ki nga Rani. Na wai, i whawhai, i whawhai, a hinga ana nga Rani i a ia—Ka tahi ka huihui mai te tangata ki a ia; a ka tokomaha ratou. Na ka haere puku mai a Arapere kite puni o nga Rani, mete whakatangi ano i tana hapa, a pai noa iho ratou ki a ia—hua noa he tangata ke noa atu—Na tirohia katoatia ana e ia nga wahi o to ratou puni, a hoki ana ki ona hoa. Na ko te tino whakaekenga mai a Arapere i a ratou ; a mate iho ratou. Otiia ki hai i taro kua whakaeke mai ano ratou, a, huakina nga tangata o Arapere. Hua noa e rokohanga'a Ara-

pere e noho poauau noa iho ana. Te whakatikanga mai o Arapere, na, ko ratou, ka hinga. Ka tahi ka ta te manawa o Arapere. Otiia kahore ia i pai kia noho mangere. Ahakoa he turoro ia, tino whai ana ia i te ao, i te po, ki enei mea erua; kia kake ia, kia kake hoki tona iwi. Haunga te whakakake. Ko te whakakake ko te mangere raua tahi raua, kihai a Arapere i pai ki era. Na ka whakaaro ia kia nui tona mohio, kia mohio ai iaki tetohutohu i ona tangata. Me pehea hoki e mohio ai i te kore tangata hei whakaako. Na hokona ana e ia nga pukapuka pai, hei whakaako i a ia; a korero tonu ana ki reira i te ao i te po. Ko te tahi wahi o te ra i whakamotuhaketia hei whakahaere tikanga mo tona iwi, hei whakarongonga ki a ratou korero; ko te tahi wahi hei korerotanga i ana pukapuka; a, he nohinohi te wahi o te po i waiho hei moenga. Na kake ana a Arapc re, ratou ko ona tangata; a, paku ana tona ingoa ki nga tauwhenua katoa. Na ka whakaaro ia kahore ano ona tangata i kite noa i te pukapuka a te Atua. He reo ke hoki te reo ; kahore ano kia whakamaoritia fioatia ki to ratou reo. Na tikina ana e ia etahi tangata mohio, a Ahera, raua ko Erikena, hei hoa whakamaori mona, a whakamaoritia ana e ratou te pukapuka a te Atua, tuwhaina atu ana hoki e ia ma ona tangata. Na ka tuhituhi ia i e tahi o ana whakaaro hei tirohanga ma tona iwi; kia hiahia tahi ai ratou me ia kite tino taonga e kake ai te tangata—He mea tuhituhi kau ia nana, kahore i taia ; kahore hoki ana ta pukapuka. No

naianei tena mea i kitea ai e te Pakeha. Ko te tahi tenei o ana whakaaro. " E mohio ana ahau, kahore he mea ke atu hei rite mou, te pai, e te Atua, e koe, e noho nei i runga i te rangi, te rangatira hoki o nga mea katoa. A, e mohio ana ano ahau, e kore ahau e tata atu ki a.koe, kite kahore ahau e tukua atu e koe. Whakaakona ahau ki tenei. Whakakahangia hoki.— Heoi ano te hunga, i a ratou te tikanga, ko nga mea i kite nei i a koe. Tenakoa. Ho mai taua whakaaro tika ki a au. Heoi ano te hunga, kei a ratou te pai, ko nga mea i whiwhi ki a koe. Tena koa. Ho mai te pai ki a au. Homai hoki be ngakau e mohio ana kite whakaaro.— Whakanuia taku hiahia kite oranga tonutanga: ringihia mai ano hoki tou aroha ki a au." (Kei teLahi Nuipepa atu ha korero ano J