THE MATUHI PRESS. Wenerei, Pepuere 7, 1906. HUIHUINGA NUI KI PONEKE, HE WHAKANUI IA TA HOHEPA WAARI. I MUA ATU I TONA HAERENGA KI ROMA.

Matuhi, Volume III, Issue 119, 7 February 1906, Page 3

THE MATUHI PRESS. Wenerei, Pepuere 7, 1906. HUIHUINGA NUI KI PONEKE, HE WHAKANUI IA TA HOHEPA WAARI. I MUA ATU I TONA HAERENGA KI ROMA.

I te po o te Taite nei ka tu tetahi Tina nui, he whakanui ia Ta Hohepa Waari, K.C.M.G., Poohimahita-Tiana-ra, o NiuTireni nei, ki r<jto i ta Tauna Hooro o Poneke, i rnua atu i tona haerenga ki Roma, kite huihuinga o nga Poohimahita-Tianara o nga Koroni katoa ote Ao. I neke atu i te rua rau e rua tekau te maha o te hunga i tae ki taua Tina. I tino atahua a roto i te Tauna Hooro i kga whakapaipai katoa. Ko te Mea, o Poneke (Hon. T. W. Hiropa,) te Tumuaki o taua huihuinga. Ite taha matau o Tc Mea e noho ana ko Ta Hohepa Waari, Hon. Arapata Piti (Minita), Takuta Poitene, Hon. Timi Kara (Minita), Hecmi Koata, Hon. C. H. Mira (Minita), Hon. T. Y. Takana (Minita), Hon. Keneti Maki-Tanara M.L.C. Ite taha maui oTe Mea ko Te Pirimia, Hon. W. Hooro Teone (Minita), Takuta, Jion. J M'Makaoene (Minita), C. P. Ivareti (Roia), me A. Potai. Na Te Honore Keneti MakiTanara, i whakahua te inu whakanui mo Ta Hohepa Waari. I mea a Maki-Tanara, " Kua huihui mai tatau i tenei ahiahi kite whakaputa i ta tatau whakanui, meta tatau whakahonore, mo tetahi o nga tino tangata o Niu Tireni. Na, na ona mahi, me ona whakahaere pai katoa ia i hiki haere ki runga kite turango honore. He tino nui atu nga painga i whaka-

haerea e Te Waari mo tenei Koroni. Ara, nana i whakahoki iho te utu mo nga tangata e haere ana i runga i nga Reriwe. Nana i tuatahi te tikanga kia kotahi kapa te utu mo te tuku reta ki nga waahi katoa o te ao nei. No runga i enei painga ona, me era atu ka whakawhiwhia ia e Te Kiingi kiteTohu Honore, ara (K.C.M.G.,) Na, ko tenei tangata ko Te Waari, koia tetahi o nga tangata matau atu o roto i te Paremata, mahaki ana whakahaere katoa, mete whakamihi o nga Mema o te Paremata, ki a ia. Ko nga turanga Minita kei a Te Waari koia enei;— Minita Kai Tiaki Moni o Te Koroni; Poohimahita-Tianara; Komihana Mo Nga Waea Korero: Minita Mo Nga Reriwe; Minita Mo Nga Tima; Komihana Mo Nga' Taongo: Hekeretari Mo Te Koroni; Minita Mo Te Tari Whakaora (ko ia te Minita tnatahi o te ao nei ki tenei turanga): Minita Mo Nga Kura Mahi-a-ringa; Minita Mo Nga Whenua Purotu." He nui nga kupu whakanui a Maki Tanara, mo Te Waari. I Muri iho ia Maki Tanara, ka tu ko Te Mea o Poneke, he tautoko nana i nga korero a Maki Tanara, me tona whakaatu ano ko ia he hoa whawhai no Te Waari, mai i te tau 1887, tae mai ki naianei, otira e hara tenei i te take e waiho ana e au mo nga takiwa katoa. Na me hari me koa me inu tahi tatau, kite whakanui i to tatau hoa. TE WHAKAUTU A TE WAARI. I te wa ,i tu ake ai a Te Waari ki runga, he nui te umeretanga i a ia, a, he roa hold e umere ana nga tangata katahi ano ka puaki te mangai o Te Waari, ka mea "1 mahara au e hara au i te tino tangata, otira no tenei ahiahi he hari he koa te mea i whakawhiwhia mai ki au. Na te hotu

o takumanawa i whakaatu ki au me tino whakamoemiti au ki tenei huihuinga atahua: Ko ten*ri hunga i huihui mai nei no nga turanga katoa, a, i haere uiai hoki kite whakanui i tetahi tangata i kaha kite whakahaere painga mo te iwi, i enei tail ka hori nei. Na ka waiho e au tenei huihuinga hei mea whakamaharatanga maku ki oku whakatupuranga. E taku hoa e te Maki Tonore, e tino nui ana te whakamihi o toku ngakau mou i whakahua nei i tenei inu whakanui i au, me koe hoki e te Mea o Poneke; ka nui te whakamihi o toku ngakau mo to kaha kite whakahaere i tenei huihuinga, me o kupu mihi uioku; kaore au i tino whakapono rawa e tika ana enei kupu katoa, kia eke mai ki runga ki au. Otira he maha nga waahi e haeretia ana e au na, kotahi tonu te tangi o te reo; ko tenei e korerotia mai nei e koe" he nui ngra kupu mihi a te Waari, me tona whakamarama i nga mahi ine* ng§, whakahaere o nga Poutapeta , mete hui e haere n*i ia ki Roma, he nui te umere i te mutunga o te whai korero a te Waari. Na C. P. Kereti (Roia), i whakahua te inu whakanui mo te JParemata o Niu Tireni nei, na te Pirimia i whakautu, mete whakamarama ano a te Pirimia i nga whakahaere katoa a tenei Paremata.

Na te Hon. Piti i whakahua te inu whakanui i te taone o Poneke, na te Mea i whakautu. Kotahi te maori i tae ki taua huihuinga ko Taiawhio Te Tau.