PANUI WHAKAMARAMA.

Matuhi, Volume III, Issue 119, 7 February 1906, Page 2

PANUI WHAKAMARAMA.

E nga Iwi, E nga Hapu, o nga Motu nei, me ia tangata takitahh Tenei Te Manu nei te haere atu nei kite toro haere ia koutou. Mete pikau atu i ana kupu mama nei, hei titiro iho ma koutou mo roto i -tenei Tau Hou, e tawhaitia nei e tatau. Ko tana take tuatahi e whakaatu ai, ko nga Ture i hangaia mona. Tuama —Ko te Komiti nana ia i whakaara. Tuatoru—Ko te whanui o te wahi e haere ai Te Manu nei. Tuawha —Ko nga mahi a nga RopU hanga Ture, e hoatu ana maana e panui. Tuarima —Ko te kaute o nga tangata tango Pepa. Tuaono —Ko nga Ngahau a nga Ropu Takaro, e hoatu ana maana e panui. E mohio ana tatau kite whakatauki nei "Ma te whai huruhum te manu ka rere ai." E nga Iwi kia ngaoko mai, kite kore koutou e ngaoko mai, ka hurihia te upoko o te manu nei ki runga, ka piki whakarunga. Heoi tirohia iho ana kupu i raro iho nei. NGA TURE TUTURU O TE MATUHI. 1 Kote utu mo "te matuhi" i te tau 16/- hereni. Mo te ono marama e

8/- hereni. Mote toru marama e 4/- hereni. 1 Ki te hiahia te tangata ki "te matuhi" ka tukua atu. A, kite utua mai e ia tona "matuhi" i taua wa ano ka noho te utii mo tona "matuhi" kite 16/- hereni. 3 Ki te waiho e te tangata tona "matuhi" mo tetahi wa utu ai, ara (Booked) ka noho kite kotahi pauna (£1) mo te tau. 10/- hereni mo te ono marama. E 5/- hereni mo te toru marama. [Ko te take i peneitia ai kia ngawari ai kite hunga e utu tonu ana i o ratou "matuhi."] 4 Kotahi te putanga o "te matuhi" i te wild. 5 Ki te tuku mai te tangata i te moni, me tuku mai i te Moni Oota (Money Order) o te P'outapeta. Me penei te ahua o te tuhi reta mai; — KI TE ETITA O "TE MATUHI," Hall St., Masterton P. O. Box 123. Wairarapa. 6 Ka Panutia e "te matuhi" nga Panui Purei Hoiho, Pikiniki, Kanikani, Purei Omaoma, Hokohoko taonga, Hui Komiti, Taonga Ngaro, me era atu tu ahua panui, mo te toru 3/- hereni mo te inihi, ina kotahi te panuitanga. Ki te rua nga panuitanga, ka hoki iho te utu kite rua 2/- hereni. 7 Haunga ia nga panui e waiho ana mo te kotahi tau te roa, ka noho te utu mo enei tu panui (engari kia kaua e neke atu i te rima ihini te roa) kite toru pauna tekau hereni (£3 10 0) mo te tau. Ki te neke atu ite rima inihi te roa o taua panui ka neke ake ano te utu. Ki te hiahia te tangata kia tino marama, me tuhi mai kite Etita. Matuhi.