TE PIRIMIA ME NGA WHENUA MAORI.

Matuhi, Volume II, Issue 104, 27 September 1905, Page 4

TE PIRIMIA ME NGA WHENUA MAORI.

I puta etahi korero i te Pirimia mo nga whenua maori. I enei wiki ka hore ake nei, ka tukua atu e nga pakeha o Rewiini ta ratou Pitihana kite Pirimia kia tangohia tetahi

whenua maori i roto i te takiwa o Rewiini, kia whakatuheratia hei whakanohonoho kite tangata. Ko te whakautu a te Pirimia mo tenei take, tata inaianei kite wa e whakaotia ai kua etahi tikanga, e whakatuheratia ai nga whenua maori hei whakanohonoho ki te tangata. E penei ana tetahi waahi ote pitihana, "mehemea kite tangohia taua whenua, a, ka whakatuhera ai hei whakanohonoho kite tangata ka puta he painga kite takiwa mete Koroni."

Ma mehemea tenei whenua ka tangohia, a, ka whakatuhera ai hei whakanohonoho kite tangata, tera etahi tangata kei te waahi pouri e noho mai ana, e tango i te whenua mo ratou anake. Ko te take tuatahi hei whakahaere kite iwi maori, ko te tono ia ratou kia tahuri kite mahi i o raotu whenua, a kite whakamohio atu hoki kite iwi maori, tera e whakarereketia nga tikanga mo o ratou whenua. Ko te ahua o nga tikanga mo nga whenua

maori, kei te ahua kino, kaore i te pai. Kei te whakahaere te Kawanatanga i etahi tikanga, kia tukua nga Whenua maori kite Kaunihera whenua, kia whakahaeretia etahi tikanga, kia riihitia nga whenua mo nga mom e tika ana. Na ka nui te ahua kino ote iwi pakeha, mo te katinga i nga whenua maori, otira ki tona whakaaro, i mua atu o te mutunga o te Paremata, tera te Kawanatanga e tahuri kite hanga i etahi tikanga e pai ai nga when ua maori, name titiro tatou ki tenei, tera tetahi whenua kei roto i te takiwa o Akarana, no nga maori, kei te hanga kirimirii nga pakeha ki nga maori i runga i te whakahaere ngaro, na, ka whaimana ia kite whakapa i tona ringaringa ki aua tangata, he mea tika kia whakamutua aua tu mahi. (He mea tango mai, i le Auckland Weekly News).