TAKE I ORA AI A PONEKE.

Matuhi, Volume II, Issue 99, 23 August 1905, Page 6

TAKE I ORA AI A PONEKE.

I runga i te hiahia o Kerei (W. Gray), Hekeretari o te Poutapeta o Poneke, ka tuhia atu e H. S. Harawira, o Otaihanga, tamaiti a Pihopa Harawira, tana reta, e ahu ana nga korero mo nga whawhai a Te Rauparaha o mua, koia tenei e whai ake iiei:—l muri iho o te whawhai ki Wairau, ka tono a Te Rangihaeata kia Te Rauparaha, kia whawhaitia e rana a Poneke, i te rongonga o taku matua, ka korero atu kia raua, kia kaua raua, e mahi i tera mahi, i whakapau katoa taku matua i tona kaha ki teaukati ia raua. I muri tonu iho ka haere taku matua ki Poneke kite whakaatu ki nga kai-whakahaere, kei te vvhakaeketia a Poneke. I te hokinga mai o taku matua i Poneke ka tutaki i a ia te-taua e haere atu ana ki Poneke, i runga i te whakahau ate Rangihaeata. Ma ka tahuri ano taku matua kite tohe kite taua kia kaua e haere ki Poneke, na i tenei takiwa e noho ana a Wiremu Kiingi i Waikanae, ko ia uei te rangatira o Rangitane o Ngati-awa, (ko tenei tangata he tangata tika aana whakahaere katoa), i tona rongonga ki te mahi a te Rauparaha, ka ki atu ia kia te Rauparaha, mehemea koe kite tohe tonu, me takahi rawa i a au i te tuatahi. I te po ka tonoa atu e te Rauparaha etahi ona tangata kia kite ia, mehemea he tika te korero a Wiremu Kiingi, i te ata ka kite a Wiremu Kiingi i nga tapuae, ka mohio ia kua takahia ia, katahi ka tukua atu e ia etahi o ana tangata me nga pu ano, ki te hopuhopu i te taua, mau katoa taua hunga, katahi ka mauria nga herehere ma runga i nga waka, ki runga i te manuao, i waho atu o Poneke e tau ana. Mehemea i kore taku matua, me Wiremu Kiingi, e kore e mohiotia he

taone ano a Poneke; ko te tau o tenei rarararu kaore au e mohio, engari no muri tonu iho i te whawhai ki Wairau. N. Z. Times.