TE MANA O TE KOOTI PIIRA.

Matuhi, Volume II, Issue 99, 23 August 1905, Page 6

TE MANA O TE KOOTI PIIRA.

I runga i te whai-korero a (Ta Ropata Taute) tumuaki o nga tiati, me tiati Kupa, ka kitea, i kaha ke atu te mana o tenei Kooti whakawa (Native Appellate Court), i te Hupirimi Kooti, i te Kooti Piira hoki o te Koroni nei, otira e marama ai tatou ma tenei na "mehemea kite puta tetahi tautohenga i waenganui i etahi maori," a ka kawea ma tenei Kooti e titiro, kowai te tangata nga tangata ranei e tika ana kite whenua, ka ahei noa atu tenei Kooti kite whakatau i taana i kite ai, notemea kua whakawhiwhia tenei Kooti e te Paremata ki nga mana kaha ake i te Hupirimi Kooti, i te Kooti Piira oNiu Tireni nei, ma tenei ka kitea e tatou te kaha o te mana o tenei ture, koia tenei te ahua o tenei Kooti kite aronga ote ture inaianei, kaati tenei na, mo te ture maori ("ara" tikanga maori) kua tae tenei kite wa tika hei hanga ture, hei whakamana i nga tikanga maori, e mohio ai nga iwi e rua, anei na nga tikanga maori, kua whakamanaia e te ture, a ko . enei na kua whakakorea. Notemea kaore he painga kite hoatu ki nga Tiati o nga Kooti \Vhenua Maori, ma ratou e whirivvhiri nga tikanga maori, engari me hanga kite ture, notemea konga whenua katoa e whakahaeretia ana inaianei, e whakahaeretia ana i runga i te ture, kaore i runga i nga whakahaere maori. No reira he mea tika me whakature nga tikanga maori inaianei, kia mohio ai te iwi pakeha kite mana o te ture maori. i