KI TE ETITA O TE MATUHI.

Matuhi, Volume II, Issue 81, 12 April 1905, Page 3

KI TE ETITA O TE MATUHI.

No te rua tekau ma waru o nga ra o te marama o Maehe, i tu ai te hui ki te Waharoa, i hui nga iwi o te motu

nei ki taua wahi. I konei a Ngati Kahnngunu ki Heretaunga, a Ngati Apa, a Whanganui, a Te Arawa, a Ngapuhi, a Ngai Terangi, a Ngati Maru, a Ngati Pawa, a Ngati Raukawa ki Otaki, Ngati Maniapoto, a Ngati Rereahu, Ngati Matakore, a Waikato titnata mai i te puaha tae noa ki ona robe katoa. Ko nga tino take o tenei hui ko te whakatakoto i e tahi tikanga hei tau toko i te pitihana kua tukua atu e Henare Kaihau kite Paremata, i penei nga kupu o taua pitihana, "kia whakahokia mai te mana motuhake kite maori ote motu nei, ma ratan ano e whakahaere o ratau whenua," i tu a Taingakawa kite whakatuhera i taua hui, " Whakarongo mai e te iwi, ko te kupu o to tatau ra ko Te Tiriti o Waitangi e raea ana taua tiriti, te kupu a TeKuini ki nga maori te tikanga whakahaere i o ratau whenua ine a ratau mea katoa," whiriwhiri ana e taua hui me tuku ano he pitihana hei tautoko mo te ra e takoto mai ra i te Paremata, koia tenei e mea ana nga kai pitihana kia hohoro te whiriwhiri a te kawanatanga i taua pitihana, i tenei tau ano, a whakaaetia ana e te hui katoa. Te Ua Mai ran oi:— " Kaore aku kupu i haere mai ai ahau kia kite ia koutou i nga waihotanga iho a nga mea kua ngaro atu, tuarua oaku kupu i haere mai au he whakarongo. kua rongo atu nei au, homai te mea maku hei haringa maku ki toku iwi haina mai ai. ' Eruera Te Kahu:— Ka mea "he kupu ano taku mo te pitihana a Henare Kaihau, i tuku nei kite paremata, itahaetiae Henare nga tangata o te pitihana a Niniwa ki raro i tana pitihana."

Henare Kaihau:— Ka mea, " kia ora taku rangatira a Eruera Te Kahu, e. kore au e whakahoki i to take engari me haere koe ki Poneke titiro ai i nga pukapuka o aua pitihana." Te Karaka a Taingakawa:— '** Ka panuitia nga kape o nga pitihana a Niniwa ma, kei te paremata e takoto ana, Niniwa 1799, Taingakawa 1579, Te Marae 150. ko ta Te Marae hei Apiti mo ta Taingakawa." Eruera Te Kahu : " E hara i au ake taua take e korero nei ahau engari na Wi Pere raua ko Hone Heke, e mohio ana koe e Henare kite ture." Haora Tareranui:— Ka mea " e tau toko ana ahau i te korero a Erueru Te Kahu, e mea nei na Wi Pere raua ko Hone Heke taua korero, na Wi Pere i korero kia matau ite hui itu ki Paeroa Hauraki." Ka mutu te hui. Kua mate a Mutu Mere Pounamu, i mate ki Parawera, i te 29 o Maehe, i haere atu taua wahine nei raua ko tana taane kite tohunga kei Parawera a mate atu ki reira, i mauria mai ki Waahi, kite pa ojMahuta kia tangihia ki reira. Heoi na. Arepa Maki, Rangiriri, Waikato. Aperira 1, 1901.