Tupe Motu Kua Halo Foki

Mana (Auckland), Volume 1, Issue 15, 23 February 1978, Page 7

Tupe Motu Kua Halo Foki

To fiafia a mutoiu e tau matua ke iloa ko e tupe motu poke tupe kai-noa ha mutolu (National Superannuation) to liu foki ke holo hake he aho 2 he mahina Masi. Ko e liu holo hake foki a nei he taha holo hake he tapu kua mole.

Ko e mogonei tali mai he holo hake he tapu kua mole ko e $86.80 he faahi tapu he tupe ka moua he hoana mo e taane, ka uta kehe e tukuhau ti ko e tupe moua ke he alolima ha laua ko e $76.34, ka ko laua e hoana mo e taane ne tokotaha nine moua ko e $70.61 ha laua ka moua. Ka mole e aho 2 ia Masi (mahina ka hau) mo e kua oti foki e tukuhau he uta kehe, ko e tupe ka moua he hoana mo e taane ne tokotaha nine moua ko e $71.34,

ka ko laua ne moua tokoua ko e $77.14 ka moua. Ko e totogi ma e tagata nofo tokotaha ko e $44.96 ka moua hae faahi tapu he holo hake he tapu kua mole, ka ko e tupe ka moua e ia ka mole e aho 2 ia Masi ko e $45.94. Kua manako ke liu ke fakamanatu atu ko e tupe nei (National Superannuation) ko e tupe moua he tagata kua molea e hogofulu tau io he nofo i Niu Silani kaeke kua onogofulu (60) haana tau tau he moui. To nakai fai fakakaupaaga e mouaaga he tupe nei, kai e koe he tupe nei kaeke kua 60 e tau tau haau he moui mo e molea e hogofulu tau haau he nofo he motu nei, ti moua foki e totogi haau mai he gahuaaga kaeke ko e gahua foki a koe.