Maota Fa’afeagaiga P.I.C. Avondale

Mana (Auckland), Volume 1, Issue 15, 23 February 1978, Page 5

Maota Fa’afeagaiga P.I.C. Avondale

Ua toe o se aga ona taunu’u lea o le fa’amoemoe maualuga o le Ekalesia P.I.C. i Avondale. E ui lava ina e le o se Ekalesia to’atele, a e le’i solomuli pe pala’ai ai se manatu ia fausia se maota ana le galuega a le Atua. O le tau aofa’i o le galuega, e $46,000.00. O le sailiga o lenei tupe sa galulue fa’atasi le 'aulotu aoao ma le mafutaga a tina i le ta’ita’iga a le Faletua o Miriama Leao Si’itia, ma le fesoasoani malosi mai le failautusi le faletua o Faimanifo Kolia, o le ‘Autaumafai i tamali’i ma failauga, faletua ma tausi, ’aumaga ma le A’oga Aso Sa i ona faia’oga ma alo o le Ekalesia. Sa fa’apea ona lagolago malosi mai le ’Au talavou. Sale gata i le sauniga o vi ’iga o le Atua i galuega a ali’i ta’ita’i pese o Salafai Matai’a ma Vasa

Lesa ma le mamalu o le ’aufaipese, ’ae na solomua lenei vaega o le Ekalesia i sailiga tupe aua le ’ala lea. E moni lava ’upu e masani ai lo tatou atunu’u, O ’Autalavou, o lumana’i na o Ekalesia, nu’u po’o le atunu’u, aua o se tasi lenei o lima taumatau ole ekalesia i lenei galuega.

Po’o le a lava le tinou ma le loto tetele ’ae a fa’aletonu ta’ita’i, e o’o lava ina fetoa’i. E le’i fa’apena lenei galuega, i le fesoasoani mai a le Ta’ita’i Fono Aoao, Susuga a Leuatea Sio, Susuga a Leao Si’itia, Susuga a le Failautusi o Malaefou Koria, Susuga a le Teu Tupe o Lameko Fuamatu, O le Agaiotupu o le susuga a Karl Laurenson. la fa’amalo lava i sia ’aulotu i lo latou taumafai.